Agjencia Pika Pro ka reaguar në lidhje me çështjen e logos së re të Teatrit të Operas dhe Baletit. Në një deklaratë për mediat, agjencia ka shpjeguar në mënyrë zyrtare rrjedhën e punës së bërë për të arritur deri tek logoja përfundimtare.
Në deklaratë, Pika Pro sqaron se shifra 1.8 milionë lekë me TVSH, ku shtohet se kompania ka paguar 20% e saj, dhe , dhe me shifrën 1.5 milionë lekë u pagua jo vetëm logoja e re por edhe një “numër I madh materialesh krijimtarie, dizajni dhe video.
Lexo edhe: SKANDALI/ Teatri i Operas dhe Baletit, 1.8 milion lekë për logo të vjedhur. Reagon Margariti
Sipas asaj që thuhet në sqarim, që prej më shumë se një viti, stafi i grafistëve ka punuar për “realizimin e identitetit të ri, bashkëlidhur dhe libri me 60 faqe. Agjencia pretendon se ka marrë pjesë në dy konkurse të organizuar nga TKOBAP dhe në të parin shtohet se nuk ka pasur fitues, ndërsa në të dytin është shpallur fitues.
“Kontrata me TKOBAP mban datën 09.03.2020. Duke i dorëzuar të gjitha të drejtat dhe materialet e kërkuara.”
Kurse, për origjinalitetin e lokos, agjencia, si autore e identitetit të saj, rëndit kronologjitë artistike dhe konceptuale, kohëzgjatjen dhe materialet e dorëzuar paranë TKOBAP.
Ndër të tjera, sipas agjencisë, koncepti artistik i logos vjen nga forma e rregullt rrethore “O”, që sipas tyre përfaqëson kulmin e zërit.
“Në këtë mënyrë sjell në mendje një gojë të hapur në interpretimin opersitik dhe një “O” që sjell emocione të forta, një rrethore të saktë dhe solide që thekson gërmën e parë të të fjalës “OPERA”.
Në rrjetet sociale artistët kanë denoncuar se logoja e re e TKOBAP është një plagjiaturë e vjedhur nga site ndërkombëtare, denoncim ky i ngritur dhe nga artisti i Arteve Pamore Ardian Isufi. sb/abcnews.al/
