Prokuroria e Posaçme po vijon me hetimet ndaj ish-presidentit Ilir Meta, i arrestuar prej tetorit të kaluar për korrupsion pastrim parash e fshehje pasurie. Të martën është thirrur për t’u pyetur në prokurori Gerald Gjeogjini, i njohur ndryshe si operatori i ish-presidentit në takimet që ai zhvillonte.
Mësohet se Gjeogjini është thirrur si person që ka dijeni për lobimet në SHBA në vitin 2014 dhe lidhjet e tij personale me Ilir Metën.
Ish-presidenti dyshohet nga SPAK për korrupsion, pastrim parash e fshehje pasurie lidhur me dosjet e bashkuara CEZ-DIA, lobimi i ish-Lëvizjes Socialsite për Integrim në SHtetet e Bashkuara të amerikës dhe shpenzimet e familjes së tij.
Për Metën gjykata e posaçme e shkallës së parë dhe ajo e apelit por edhe gjykata e larte kanë lënë në fuqi masën e “arrestit në burg”, duke bërë që Meta prej afro 9 muajsh të mbahet i izoluar në burgun 313 ne kryeqytet.
