Champions

UEFA-e1584113133191.png
Vladimir Prenga11:55 | 27/03/2020

UEFA nuk pushon së punuari, pasi duhet gjetur një zgjidhje për kampionatet. Synimi është 12 kampionatet, nga të cilat ka garues në Champions League dhe Europa League, të rinisin. Kjo për të mos i dhënë avantazh asnjë skuadre në kompeticionet europiane. Problemi kryesor është që në maj është e vështirë të rinisin kampionatet dhe opsioni tjetër është që të luhet përtej mesit të gushtit.

Dy opsione janë në tavolinë, që ndeshjet të luhen sikurse është kalendari tani, me ndeshjet e kampionateve në fundjavë dhe sfidat e europian enë mesjavë. Skenari tjetër është që të luhen fillimisht ndeshjet e kampionateve dhe kupave kombëtare, këto deri në mesin e muajit korrik.

Më pas të zhvillohet Champions League dhe Europa League, me finalet që do të luhen një javë pas mesit të gushtit. Kështu do të kishte 7-10 ditë pushim para nisjes së sezonit të ri, që mund të shtyhet për në 12 shtator dhe për t’u mbyllur më pas deri më 1 qershor të vitit 2021.

Nëse do të ndodhë që kampionatet të mos nisin edhe në mes të qershorit, atëherë do të vendosej në rrezik sezoni pasardhës dhe ndryshimi i formatit të Champions dhe Europa League do të jetë i detyrueshëm, duke i bërë gjysmëfinalet me një takim dhe më pas finalja të luhet pas 2-3 ditësh. /abcnews.al

Euro-2020.png
Vladimir Prenga13:37 | 17/03/2020

UEFA është duke zhvilluar një video-konferencë me 55 federatat anëtare. Raportohet se është vendosur shtyrja e tij për në vitin 2021, në verë. Ishte edhe një opsion për në dimër, por do të ndodhë ndryshe.

Kampionati evropian do të nisë më 11 qershor dhe do të vijojë deri më 11 korrik, njofton Federata Norvegjeze e Futbollit. Tanimë mendohet për të mbyllur kampionatet në Europë gjatë kësaj vere, në mënyrë që të shmangen humbjet e mëdha në aspektin financiar nga e drejta e TV, marketingu dhe biletat.

UEFA ka vendosur të ndërtojë dy grupe pune, që do punojnë për të vendosur një kalendar të ndeshjeve, pasi në mes janë edhe Champions League dhe Europa League. Gjithashtu një tjetër grup pune do merret me aspektin financiar, që është shumë i rëndësishëm.

Sigurisht do shikohet me kujdes situatën në Europë gjatë kësaj periudhe, pasi Coronavirusi është përhapur në masë. Dëshira dhe objektivi është që brenda verës të mbyllen kampionatet kudo, me verdikte të vendosura nga fusha e blertë. /abcnews.al

Ronaldo-1.png
Vladimir Prenga14:50 | 26/12/2019

Cristiano Ronaldo, sulmuesi portugez i Juventusit, ka dhënë një intervistë për DAZN dhe flet për shumë tema, duke nisur nga mënyra se si e thërrasin, e deri tek ajo që i pëlqen te klubi bardhezi.

CRISTIANO APO CR7 – Nuk ndryshon asgjë për mua, nëse më quajnë Cristiano apo CR7. Në shtëpi më thonë Ronaldo, në shkollë më thërrisnin Cristiano. Në futboll Cris, Ronny dhe kështu emrash.  Tifozët më thonë CR7.

BRANDI CR7 – Bota ime është ajo e futbollit, por edhe ajo jashtë futbollit është e rëndësishme për mua. Jam bërë biznesmen dhe është normale të krijosh diçka ndryshe. Jam i kënaqur kështu. Sigurisht është diçka e rëndësishme për mua, por për momentin është futbolli më i rëndësishmi.

MBROJTËSIT MË TË FORTË – Me ndershmëri, ua them se për mua mbrojtësit më të vështirë me të cilët përballem janë ata me ë cilët stërvitem: Bonuçi, Chiellini dhe De Ligt. Më parë kishte qenë Chiellini, sepse kam luajtur disa herë kundër tij në Champions League dhe ishte një sfidë personale me të. Nga 1 te 10, sa e vështirë është të shënosh në Itali? Shtatë”.

CHAMPIONS – “Serie A dhe Champions League janë krejtësisht ndryshe. Champions është kompeticioni më i mirë në botë, duke lënë mënjanë kampionatin Europian dhe atë Botëror për kombëtare. Më pëlqen të luaj më shumë se në çdo kompeticion tjetër. Është special”.

LOJTARI MË I FORTË NË SERIE A –  “Për momentin jam unë, vitin tjetër nuk e di. Ka shumë lojtarë të mirë këtu dhe më vjen mirë që më kanë votuar si më të mirin sezonin e shkuar. Shpresoj të përsëris veten time”.

JUVENTUSI – “Më pëlqen gjithçka nga Juventusi. Është klubi më i mirë në Itali, ka një histori të jashtëzakonshme. Jam i lumtur këtu dhe dua të fitoj sa më shumë trofe me këtë klub. Nuk më pëlqen vetëm Juventusi, por e gjithë kultura italiane në përgjithësi”. /abcnews.al

shorti-i-champions.jpg
Vladimir Prenga12:21 | 16/12/2019

Shorti i Champions League është hedhur dhe janë mësuar çiftet që do të përballen në fazën e 1/16-ve. Borussia Drotmund ka peshkuar PSG, për të kaluar më pas te rivali i Real Madrid. Goglat i rezervuan madrilenëve skuadrën e Manchester City. Radha ishte e Atalantës, që ka një short të mirë me Valencian. Atletico Madrid ishte pa fat, pasi gjen skuadrën e Liverpool në raundin tjetër. Londinezët e Chelsea ndeshen me bavarezët e Bayern Munchen. Lyon ka një mision të vështirë me Juventusin. Tottenham gjen Leipzig, kurse Barcelona me Napolin.

ÇFARË DIHEJ – Rregullorja sqaronte se skuadrat nga i njëjti kampionat nuk mund të përballeshin mes tyre në këtë fazë të Champions League, sikurse edhe nuk do të kishte sfida mes ekipeve që kishin qenë në grup këtë edicion.

Gjithashtu e përcaktuar me rregullore ishte që ekipet e vazos së parë do t’i luajnë në shtëpi ndeshjet e kthimit, që janë programuar të zhvillohen më 10, 11, 17 dhe 18 mars. Takimet e para luhen më 18, 19, 25 dhe 26 shkurt. Ndeshjet nisin si zakonisht prej orës 21:00. Shorti për çerekfinalet, gjysmëfinalet hidhet më 20 mars. Finalja zhvillohet në Stamboll.

EKIPET E KUALIFIKUARA NË CHAMPIONS LEAGUE
VAZO 1: Barcelona (Spanjë: Grupi F), Bayern Munchen (Gjermani: Grupi B), Juventus (Itali: Grupi D), Leipzig (Gjermani: Grupi G), Liverpool (Angli: Grupi E), Manchester City (Angli: Grupi C), Paris Saint-Germain (Francë: Grupi A). Valencia (Spanjë: Grupi H)

VAZO 2: Atalanta (Itali: Grupi C), Atletico Madrid (Spanjë: Grupi D), Chelsea (Angli: Grupi H), Dortmund (Gjermani: Grupi F), Lyon (Francë: Grupi G), Napoli (Itali: Grupi E), Real Madrid (Spanjë: Grupi A), Tottenham Hotspur (Angli: Grupi B). /abcnews.al

Gnabry1.jpg
Veronik Istrefaj16:55 | 02/10/2019

Talenti i Bayern Munchen, Serge Gnabry, është njeriu më i përfolur i momentit, pasi në ndeshjen kundër Tottenham në Champions, shënoi 4 gola. Bayern mori një fitore të madhe 7-2 përballë “Gjelave” dhe Gnabry ishte njeriu i takimit.

Pas paraqitjes së tij të jashtëzakonshme, sulmuesi gjerman tha: “Është e vështirë ta përshkruaj me fjalë këtë fitore, 7-2. Askush nga ne nuk e imagjinonte kështu. Edhe të shënoja katër gola, nuk e kisha imagjinuar asnjëherë. Gjithsei, është një ndjesi e jashtëzakonshme. Një fitore e madhe për ne, asnjë dyshim”, tha mes të tjerash Gnabry.

Anësori i Bayern shkroi emrin e tij dhe në librat e historisë mbrëmë, duke u bërë lojtari i vetëm në historinë e Champions që shënon katër gola brenda një pjese loje./abcnews.al

OLAJINKA-NGA-SKENDERBEU-NE-CHAMPIONS-_ABC-M1-T1.mpg_snapshot_00.03-1280x720.jpg
ent ela11:50 | 18/09/2019

Një ish-yll i Superligës shqiptare shkëlqen në Champions. Peter Olajinka, ish-lojtar I Bylisit dhe Skënderbeut, shënoi gol në “San Siro” duke treguar talentin e tij.

Ky gol ishte thjesht si kujtesë.

Tregon se deri ku mund të arrijë një njeri nëse ka talentin e duhur, por edhe fatin, dhe kështu po ndodh me Peter Olajinkën.

Sulmuesi afrikan nga Nigeria ka jo pak Shqipëri në karrierën e tij, ndërsa tani po shkëlqen në Champions, ku u bë protagonist me golin shënuar për Sllavian e Pragës në portën e Interit të Milanos, madje brenda në “San Siro”.

Ai është ende 23-vjeç, siç e thonë dokumentet e tij, por ka një karrierë tashmë të gjatë.

Pasi nisi futbollin si fëmijë, në moshën 15-vjeçare ishte pjesë e Akademisë 36 Lion FC në vendin e tij, ndërsa më pas erdhi emigrimi.

Europa fillimisht për të ishte qyteza e vogël e Ballshit, ku Peter Olainka u bashkua me Bylisin në moshën 17-vjeçare, verën e vitit 2012

Ndonëse nuk shënoi dot asnjë gol në kampionat, ai ndihmoi ekipin në Kupë, duke realizuar dy herë ndaj Skënderbeut, dhe ishin pikërisht kampionët që e morën në 2014, pas gjyqeve ndaj Kukësit, që e lanë lojtarin të dënuar për 1 vit.

Olajinka u bë një bast I fituar nga presidenti Takaj, duke shënuar gola, e duke ndihmuar korçarët për të fituar një tjetër titull.

Po ashtu, ai shkëlqeu në kupat e Europës, dhe ishte pjesë e skuadrës së trajnerit Mirel Josa që arriti në fazën e grupeve të Ligës së Europës, e para herë për një klub shqiptar.

Në bazë të sistemit të Skënderbeut, ai u arrit të transferohej në Belgjikë, fillimisht te Genti, dhe pastaj luajti i huazuar tek Zulte Varegemi dhe Dukla e Pragës.

Informacionet jozyrtare ishin se transferimi i tij në Belgjikë arriti në 1 milionë euro, dhe se menaxherët nxorrën përfitime të mëdha.

Sezonin e kaluar, Peter Olajinka kaloi në Superligën e Çekisë, pasi Sllavia e Pragës i pagoi Gentit belg plot 3.2 milionë euro për kartonin e tij. /ABC News Albania 24/7

 

Liverpool-0-1280x854.jpg
ent ela17:32 | 17/09/2019

Liverpuli fillon sot mbrojtjen e titullit në Champions. Anglezët luajnë në orën 21:00 në fushën e Napolit, dhe jepen favoritë për të fituar.

Ajo që ndodhi vjet nuk harrohet lehtë.

Liverpuli i gjithi, me lojtarë, trajnerë e tifozë festoi si i çmendur për fitoren e titullit në Champions, veçse gjithçka tani është fashitur, pasi objektivi është një tjetër triumf.

Pikërisht, një mentalitet I tillë po ndihmon për kryesimin bindës në Premier Ligë pas pesë javësh, ecuri që duhet të vazhdojë edhe në Europë.

Dueli i parë i vitit të ri sportiv nuk është aspak i lehtë, në fushën e Napolit, aty ku të kuqtë vjet humbën e luajtën keq.

Trajneri Jurgen Klop ka disa shqetësime, që fillojnë me mungesën e portierit Alison, me mesfushorin e dëmtuar Nabi Keita dhe sulmuesin, gjithashtu të lënduar, Origi.

Gjermani u detyrua të sqaronte edhe të ardhmen e tij pas 4 vjetësh në stolin liverpulas, pasi agjenti i tij hodhi dyshime për vazhdimësinë për shkak të motit aspak të mirë në Angli.

“Mesa duket askush nuk e kuptoi shakanë e tij, – tha Klopi, – ishte humor gjerman, por ndoshta në Angli janë mësuar ndryshe. Moti nuk luajti asnjë rol në vendimin tim për të ardhur tek Liverpuli. Nëse themi “mos shkoni në Liverpul në tetor, është errësirë dhe ftohtë”, duket sikur po këndon refrenin e një kënge, jo sikur po jep një fakt të vërtetë”.

Më pas, trajneri foli edhe për ndeshjen.

“Pres që të jetë shumë e vështirë, – u shpreh ai, – Napoli vjet na mundi, dhe së pari ne duhet të luajmë mirë, ndryshe nuk ia dalim dot. Jemi kampionë të Europës, por nuk mendoj se jemi skuadra më e fortë në kontinent, nuk jemi favoritë. Mendoj se Mançester Siti është më i forti”.

Napoli është i fortë në fushën e tij, por trajneri Ançeloti tregohet i kujdesshëm në parashikim.

“Duam të bëjmë figurë të mirë dhe të mos humbim identitetin e lojës sonë, – u shpreh tajneri I shquar italian, – në ndeshjet e mëparshme ndaj Liverpulit kemi pasur probleme, dhe duhet të nxjerrim përfundimet tona. Në mbrojtje ishim mirë, por duhet që individët të dalin në pah, në mënyrë që të fitojmë. Napoli është forcuar, por po kështu edhe Liverpuli”.

Napolitanët mund të mos kenë sulmuesin Milik, ndërsa Elseid Hysaj nuk pritet të jetë titullar.

Parashikimet nxjerrin fitues kampionët e Europës, por rezultati I një ndeshjeje përcaktohet nga ajo që japin skuadrat në fushë.

CHAMPIONS-DINAMO-DHE-ZVEZDA.mpg_snapshot_00.02-1280x720.jpg
ent ela12:18 | 22/08/2019

Dy skuadra nga ish-Jugosllavia janë pranë kualifikimit për në fazën e grupeve në Champions. Crvena Zvezda e Serbisë dhe Dinamo e Zagrebit e Kroacisë, hodhën hapin e parë drejt suksesit të madh.

Dikur ishin fuqi e futbollit europian, por duket sikur janë harruar.

Skuadrat nga ish-Jugosllavia e kanë pasur të vështirë të shkëlqenin në Champions, por kjo ndoshta mund të ndryshojë.

Crvena Zvezda, kampione e Serbisë, dhe Dinamo e Zagrebit kampione e Kroacisë, janë më pranë kualifikimit për në fazën e grupeve, pas ndeshjeve të para të plej ofit.

Beogradasit barazuan 2-2 në fushën e Jang Bojsit, rivalit të parvjetshëm të Skënderbeut në grupet e Ligës së Europës, ndërsa zagrebasit triumfuan 2-0 në fushën e tyre ndaj Rozenborgut të Norvegjisë.

Millosh Degenek dhe Mateo Garsia ishin autorët e golave për Zvezdën në Bernë, duke përmbysur avantazhin e hershëm të zviceranëve, arritur me Rozher Asalenë.

Në minutën e 76-të, Gijom Horo barazoi me penallti për Jang Bojsin që pati dy mundësi të shkëlqyera në fund, por nuk i shfrytëzoi.

Dhjetëra mijë tifozë do ta mbështesin Zvezdën në kthim, në stadiumin “Rajko Mitiç”.

Dinamo e Zagrebit është edhe më pranë grupeve të Championsit, pasi Bruno Petkoviç me penallti dhe Mislav Orshiç shënuan “shpejt e shpejt” në “Maksimir”, ku ishin mbi 25 000 shikues.

Në formacion për kroatëve, edhe kapiteni Arijan Ademi, madje shqiptari i Maqedonisë humbi rast për gol tjetër.

Edhe pse me djem të rinj, “Blutë” treguan cilësi më të lartë se norvegjezët, që gjithashtu mbeten të rrezikshëm. /ABC News Albania 24/7

STUDIO-SPRINT-22-30.mpg_snapshot_05.12-1280x720.jpg
ent ela23:00 | 18/07/2019

Partizani e kënaqi trajnerin e tij, Franko Lerda, me lojën që zhvilloi ndaj Karabakut, pavarësisht eleminimit. Tani, skuadra shqiptare do të ndeshet në Ligën e Europës me një klub milioner si Sherifi i Moldavisë.

Humbja nuk e la jashtë Europës.

Partizani ka favorin e skemës së UEFA-s, që do të vazhdojë në Ligën e Europës, edhe pse sërish nuk do ta ketë të lehtë.

Pas disfatës nga Karabaku në Champions, rivali I radhës quhet Sherif i Tiraspolit, një emër I njohur për futbollin shqiptar, pasi u ndesh me Kukësin dy vjet më parë.

Si e vlerëson veten Partizani në dy duelet ndaj Karabakut?

Trajneri Franko Lerda theksoi diferencën financiare të dy klubeve.

Gjithsesi, kryeqytetasit morën vlerësime për lojën e tyre të organizuar në të dyja ndeshjet, pavarësisht epërsisë së kundërshtarit.

Për më tepër, duke luajtur thuajse me lojtarët e vjetshëm, pasi përforcimet erdhën me vonesë, ndaj Lerda i vlerëson futbollistët e tij.

Gjithsesi, vëmendja duhet zhvendosur tek Sherifi i Tiraspolit, me të cilin do të ndeshet në 25 korrik e 1 gusht.

Kundërshtari i Ligës së Europës ishte i suksesshëm kohët e fundit, por Championsi përfundoi me eleminim nga Saburtalo e Gjeorgjisë.

Humbje 0-3 në Tiraspol, dhe fitore 3-1 jashtë fushe.

Nëse Karabaku kishte buxhet deri në 15 milionë euro, Sherifi po ashtu është klub I pasur, edhe pse pjesë e një vendi të varfër, si Republika e Transnistrisë, e shkëputur nga Moldavia, dhe e afruar me Rusinë.

Me paratë që vijnë nga Moska, dhe me financim të kompanisë së madhe vendase me të njëjtin emër, Sherif, klubi ka një kompleks futbolli, të përbërë nga stadiumi, fushat stërvitore dhe ambientet e tjera që kushtuan 200 milionë euro, dyfishi I buxhetit të Transnistrisë si shtet.

Pavarësisë shkëputjes nga Moldavia, skuadra merr pjesë në kampionatin moldav, të cilin e ka fituar 10 herë.

Sherifi I Tiraspolit do të niset si favorit ndaj Partizanit, por nuk duhet harruar se në 2017, Kukësi fare mirë mund ta kishte eleminuar.

Pas humbi 0-1 në Tiraspol, skuadra e trajnerit Gjoka fitoi 2-1 në “Elbasan Arena”, duke humbur penallti e duke goditur shtyllën në fund. /ABc News Albania 24/7

partizani.jpg
ad min14:33 | 06/07/2019

Trajneri i Partizanit po punon paralelisht me mbrojtjen dhe me sulmin, në prag të ndeshjeve në Europë. Italiani ende nuk është i kënaqur me nivelin e lojës, ndërsa shumë futbollistë të rinj duhet të përshtaten me ekipin.

Afrimi i Championsit po e rrit edhe më shumë shqetësimin. Partizani ende nuk është plotësisht gati dhe trajneri Franko Lerda nuk dëshiron të humbasë kohë.

Pas kthimit nga Sllovenia, pas ngarkesave të rënda dhe ndeshjeve miqësore, erdhi koha për t’u dhënë dorën e fundit përgatitjeve, sidomos atyre taktike, ndaj italiani punoi paralelisht në stërvitje, me mbrojtjen në një krah, si dhe me sulmin e mesfushën.

Ai deshi të kishte qetësi absolute, ndaj edhe e mbylli totalisht seancën stërvitore ndaj kamerave apo fotoaparateve. Me skuadrën të ndarë në dy grupe, Lerda u përqëndruar fillimisht tek mbrojtja, ende i shqetësuar nga golat e pësuar në miqësoret ndaj Sarajevos dhe Murës.

Me largimin e Lum Rexhepit, frika më e madhe është për qendrën e mbrojtjes, ku ka pak alternativa, vetëm Bitri me Belicën. Në kohën që punohej taktikisht me prapavijën, pjesa tjetër vazhdonte ushtrimet përkatëse, dhe trajneri u bashkua me mesfushorët dhe sulmuesit në gjysmën e dytë të seancës.

Nuk dihet sesa gati do të jetë kampionia e Shqipërisë për ndeshjet e Championsit ndaj Karabakut të Azerbajxhanit, përballje që nisin javën e ardhshme, kjo edhe sepse në ekip ka ndryshime.

Janë afruar portiere Aldo Teqja, mesfushori Romero, mbrojtës si Melo e Hakaj, mesfushorët Broja e Romero apo sulmuesit Jozef Ekuban e Solomon. Labinot Ibrahimi, ashtu si Egzon Belica kanë rinovuar kontratat, ndërsa janë larguar jo pak lojtarë. Nga sezoni i kaluar nuk janë Lum Rexhepi, si Atanda, Duka, Hebaj e Hila./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono