Trajneri i Leicester City, Brendan Rodgers, po bën një punë të shkëlqyer në krye të “Dhelprave”. Strategu 47 vjeçar po e mban Leicesterin në vend të tretë, vetëm pas dy gjigantëve të Premier League, Liverpool dhe Manchester City.
Sot, për SkySport, numri një i Leicester preku disa tema, ku i thuri elozhe Liverpoolit dhe foli edhe për merkaton. “Liverpool ka meritë absolute këtë sezon dhe me të drejtë do të jenë kampionët e Anglisë. Kanë bërë gjithçka në mënyrë perfekte.
Ata e meritojnë këtë titull, në një mënyrë apo tjetër. Ne te Leicester, e kemi pranuar gjithmonë se objektivi ynë nuk është titulli kampion. Jemi të kënaqur me sezonin që kemi bërë. Ofertë për Coutinhon? Ai është shumë i shtrenjtë për ne”, përfundoi Rodgers./abcnews.al
