Loading ...
Askush nuk mund ta këtë të drejtën e vetos për konstituimin e Kuvendit, as Lista serbe që kërkon të bllokojë ngritjen e institucioneve ne Kosove për hir të një nënkryetari.
Ky është qëndrimi i presidentes se Kosovës Vjosa Osmani, pas kërkesës së partisë politike të Beogradit, drejtuar organit më të lartë të drejtësisë, për ta quajtur jokushtetuese konstituimin e kuvendit me arsyetimin se ende nuk është zgjedhur nënkryetari i peste qe i takon komunitetit serb ne vend.
Osmani beri kështu publik komentet që i ka dorëzuar ne Gjykatës Kushtetuese, me arsyetimin se kuvendi nuk duhet te bllokohet. Një bllokim i tille do te krijonte precedentë për bllokim të mëtejshme në një tjetër situatë.
Prej ditësh nga radhët e VV të drejtuar nga Albin Kurti ka nisur një sulm i orkestuar ndaj Kushtetueses, duke e cilësuar atë si institucionin që po bllokon ngritjen e qeverise se re madje duke e paralajmëruar se veprime te pamatura mund te quhen tradhti kombëtare.
Lidhur me këto sulme nuk kane munguar as reagimet nga ndërkombëtaret. Bashkimi Evropian u ka bërë thirrje politikanëve që të përmbahen nga tendencat për ndërhyrje në gjyqësor.
Reagim ka pasur edhe nga vet Kushtetuesja. Ajo ka shprehur shqetësimin e saj për “deklarimet e pamatura të zyrtarëve të lartë shtetëror dhe të zgjedhurve politikë”.
Kushtetuesja ja ka ndaluar deri me 30 shtator kuvendit çdo veprim që mund të çojë në formimin e qeverisë së re, edhe pse çdo lëvizje të çon në skenarin se për qeverinë e re do te mendohet vetëm pas zgjedhjeve lokale.
