Shtyhet për në 12 nëntor seanca në Këshillin e Lartë Gjyqësor, për gjyqtarin Markelian Kuqo.
Shkak për shtyrjen është bërë gjendja shëndetësore e Gjyqtarit.
Siç raporton gazetarja Glidona Daci për ABC, dyshohet se gjyqtari është infektuar nga Covid pasi bashkëshortja e tij pret përgjigjen e tamponin ndërsa ndodhen të dy të vetkarantinuar.
Ndërkohë Inspektori i lartë i Drejtësisë Artur Metani u shpreh dakord për shtyrjen e seancës duke qenë se Kuqo ka patur sjellje serioze të deritanishme si dhe nevojën që Kuqo të jetë i pranishëm në seancë.
Për Markelian Kuqo me detyrë Gjyqtar në Gjykatën e Korçës, ka nisur procedimi disiplinor pasi ILD ka konstatuar se ai ka liruar në mënyrë të dyshimtë nga qelia Gerd Gjinerarin, i dënuar me burg përjetë për vrasjen e Arben Grorit në vitin 1997.
n.d./abcnews.al
