Loading ...Alfred Beleri i arrestuar për shit-blerje votash ka lënë qelinë e burgut për pak orë të dielën.
Me miratimin e Prokurorisë së Posaçme, kryetarit të zgjedhur të Himarës iu dha leje për të marrë pjesë në ceremoninë mortore të ndarjes nga jeta të gjyshes.
Në ceremoni u shoqërua nga efektive të shumtë të FNSH të cilët blinduan gjithe zonën. Në përfundim ai u përcoll me duartrokitje nga të afërm e mbështetës.
Belerit më herët i është refuzuar kërkesa për leje për t’u betuar përpara Këshillit Bashkiak, por dhe 9 kërkesa për një masë më të lehtë sigurie se ajo e arrestit me burg.
Nga ana tjetër gjatë procesit gjyqësor, Beleri ka pretenduar se mbahet padrejtësisht në qeli dhe se akuzat e prokurorisë janë me prapavijë politike.
Sipas prokurorisë, hetimi nisi më 8 maj pas informacioneve të siguruara nga policia e Vlorës se një grup personash në zonën e Himarës përfshi edhe Belerin jepnin nga 50 deri në 200 euro në këmbim të blerjes së votave./abcnews.al
