Loading ...
Gjykata e Posaçme ka ndryshuar masën e sigurisë dhe ka liruar nga burgu Ilia Ndoka, kushëririn e ish-deputetit të Partisë Socialiste Arben Ndoka, per operacionin “Revanshi”.
Nga arrest me burg Gjykata e Posaçme vendosi detyrim paraqitje për Ndokën të premten e parë dhe të tretë të çdo muaji.
Ilia Ndoka u ekstradua nga Italia më 7 prill te vitit 2025. Mbi Ndokën SPAK ka ngritur akuzat për veprat penale “Pastrimi i produkteve të veprës penale ose veprimtarisë kriminale”, kryer në formën e grupit të strukturuar kriminal, “Grupi i strukturuar kriminal” dhe “Kryerja e veprave penale nga grupi i strukturuar kriminal dhe organizata kriminale”.
Ndoka kishte rol për të ndihmuar me para dhe me informacion të afërmin Arben Ndokën, i cili ishte vënë në kërkim të vrasësve të vëllait të tij Aleksandër Ndoka.
