Liqeni Xiechi, i njohur gjithashtu si Liqeni i Kripur Yuncheng në provincën Shanxi të Kinës, është bërë i njohur në Instagram dhe faqet e tjera të mediave sociale vitet e fundit falë fotografive ajrore të sipërfaqes së tij shumëngjyrëshe. Tani, Kina dëshiron ta shndërrojë atë popullaritet në internet në turizëm të jetës reale. Fushatat e fundit turistike në faqet e mediave sociale kineze, duke përfshirë Weibo dhe WeChat, i referohen Xiechi si “Deti i Vdekur i Kinës” dhe reklamojnë bukurinë dhe vetitë e tij shëruese.
Ekzistojnë tre lloje liqenesh të kripura në botë: karbonat, klorur dhe sulfat. Deti i Vdekur dhe Liqeni i Kripur i Madh në Utah janë të dy liqene kloride dhe liqeni Yuncheng është një liqen i llojit sulfat. “Nëse sulfati në ujin tuaj është më i madh se kalciumi, i gjithë kalciumi përdoret, gjë që ju lë me një tepricë të sulfatit dhe keni një liqen sulfati”, shpjegon profesori i gjeografisë në Universitetin Baptist të Hong Kongut, Bernie Owen.
Xiechi është gjithashtu një liqen “pellgu i mbyllur” që do të thotë se nuk rrjedh në një lumë apo oqean gjë që shpjegon se si përmbajtja e tij e kripës qëndron kaq e lartë. “Uji vjen me kripë, uji ikën, kripa qëndron prapa, më shumë ujë vjen me kripë, avullimi. Kripa qëndron prapa,” shpjegon Owen. “Nuk ka rrugëdalje për këtë. Vetëm gradualisht do të bëhet më e kripur, më e kripur dhe më e kripur”.
Po ato ngjyra të mrekullueshme që e kanë bërë liqenin kaq të popullarizuar nga fotografët? Ato kanë të bëjnë me llojet e kafshëve dhe bimëve që jetojnë në ujë.
Është e mundur që liqenet e kripës të ngrijnë, edhe pse jo aq shpejt sa liqenet e tjerë, në fund të fundit, mendoni se çfarë ndodh kur shpërndajmë kripë mbi rrugët e akullta. Uji i kripur ngrin në temperatura më të ulëta se ujërat e ëmbla.
Në një përpjekje për të rritur profilin ndërkombëtar të liqenit Xiechi, Kina thuhet se po ndërmerr hapa për ta renditur atë si një vend të Trashëgimisë Botërore të UNESCO-s. Në një postim në WeChat të vitit 2019, Luo Huining, sekretar partie i provincës Shanxi, njoftoi se zyrtarët lokalë kishin filluar procesin e aplikimit raporton gazetarja Lilit Marcus e “CNN”. “Liqeni i Kripur Yuncheng është kristalizimi i kulturës dhe qytetërimit kinez. Liqeni i kripës ka një rëndësi pozitive për promovimin e besimit dhe trashëgimisë sonë kulturore,” tha ai në atë kohë. / abcnews.al
