Linja ajrore izraelite El Al njoftoi se ka pezulluar të gjitha fluturimet e saj nga Tel Avivi në Moskë për këtë javë, duke përmendur “zhvillimet në hapësirën ajrore ruse” si arsye.
“Gjatë javës së ardhshme do të bëhet një vlerësim i ri i situatës për të vendosur nëse linja do të vazhdojë”, thuhet në deklaratën e linjës ajrore.
El Al tha se së shpejti do t’u dërgojë pasagjerëve informacione të reja rreth zhvillimeve.
Ky veprim erdhi pasi disa zyrtarë thanë se avioni i Azerbajxhanit që u rrëzua në Kazakistan të mërkurën u rrëzua nga një sistem rus i mbrojtjes ajrore.
Një aeroplan pasagjerësh Embraer 190 i Azerbajxhanit Airlines u rrëzua të mërkurën pranë qytetit Aktau në Kazakistan, pasi doli nga kursi mbi Rusinë jugore.
Në aksident humbën jetën 38 persona, nga 67 pasagjerë dhe anëtarë të ekuipazhit./abcnews.al
