Valon Berisha nuk e gjeti veten te Lazio për shkak të dëmtimeve, ndërkohë që më pas edhe stafi teknik nuk e konsideronte pjesë të rëndësishme të ekipit. Gjashtë muaj në Bundesliga, minuta të marra dhe më pas Reims vendosi ta transferonte.
Mesfushori i përfaqësueses së Kosovës është kthyer në një titullar të rregullt në skuadrën e Ligue 1, ndërkohë që e ndihmon fakti që është në një skuadër me Arbër Zenelin, me të cilin luan edhe me dardanët.
Në përballjen kundër Montpellier, që Reims e fitoi 0-4, Berisha bëri një ndeshje shumë të mirë dhe kjo ka rënë në sy edhe të specialistëve. “L’Equipe” e ka përfshirë në formacionin më të mirë të javës dhe i jep notën “7”.
Në “top11” ka emra si Neymar e Depay, ndërkohë që Berisha ka rënë në sy për pasimet e shumta, 61 madje të bëra në fushën e kundërshtarit. /abcnews.al
