Kryeministri Edi Rama ka ndarë pamjet nga punimet që po zhvillohen për hapësirën memoriale multifunksionale në Lezhë, ku ka lindur At Gjergj Fishta.
Gjithashtu Rama shton se godina multifunksionale do të mikpresë vendas dhe të huaj për të zhvilluar aktivitete të ndryshme kulturore dhe edukative.
“Vijojnë punimet për hapësirën memoriale multifunksionale në Lezhë, ku ka lindur At Gjergj Fishta. Një godinë multifunksionale kulturore e rekreative në këtë vend sa historik, aq dhe tërheqës për peizazhin e mrekullueshëm natyror, që do të përfshijë hapësira të dedikuara për rezidenca artistike, për sesione krijimtarie e ekspozime, për të mikpritur artistët vendas e të huaj, e për të zhvilluar aktivitete të ndryshme kulturore dhe edukative, e jo vetëm”, shkruan Rama në statusin e tij në Facebook.
/abcnews.al/
