Një fitore e madhe, një arritje e madhe, dhe një gol i veçantë. I tillë ishte suksesi 5 me 1 i “Aspirinave” tw Xabi Alonso, nw fushwn e Eintracht Frankfurt në elitwn e futbollit gjerman, teksa sukseso që barazoi një rekord të kontinentit filloi me rrjetën e Granit Xhakës.
Shqiptaro-zvicerani me origjinë nga Kosova realizoi një gol identik si ai ndaj Serbisë në Kupën e Botës 2018 në Rusi. Festimi ishte thuajse identik si ai pak muaj më parë kur bëri gjoja si I dëmtuar. Gjithsesi, është skuadra e para, pastaj vijnë yjet, dhe ja kur Leverkusen barazoi rekordin evropian të “Shqiponjave” tw Benfica me 48 ndeshje radhazi pa humbje.
Ky rekord është vendosur 59 vjet më parë. Të besuarit e trajnerit Xabi Alonso synojnë edhe të bëhen ekipi I parë që përfundon një sezon të Bundesliga pa asnjë humbje. U mbeten edhe dy javë deri tek realizimi.
“Bild” ka këtë koment, “Ndeshja e 48-të pa humbje radhazi, por Alonso e humbi këtë herë golin e Leverkusen!” Trajneri i vitit ishte i pezulluar. Revista “Kicker” vendos foton me festimin e njohur të Granit Xhakës: “Leverkusen nuk iu drodh qerpiku as nga rotacioni dhe fitoi thellë ndaj Frankurtit të guximshëm, me rekord golash”!
“Aspirinat” kryesojnë elitwn e Bundesliga me 84 pikë, 15 më shumë sesa Bayern Munich, duke qenë kampionë prej dy javësh. Objektivi është fitorja e Kupës së Gjermanisë në finalen ndaj Kaiserslautern në 25 maj, si dhe fitorja e UEFA Europa League, ku aktualisht kanë fituar 2-0 gjysmëfinalen e parë në fushën e “Verdhekuqve” të Roma. /i.m /abcnews.al
