Udhëtimi natën nëpër autostradën Levan – Tepelenë bëhet shumë i vështirë. Kjo për shkak se 70 km jo vetëm nuk ka ndriçim elektrik, por edhe elementët ndriçues fosfuoreshente janë të dëmtuara.
Janë të pamjaftueshme, por si i vetmi element ndriçues këto copëza të vogla fosfuoreshente mbrojnë jetët e udhëtarëve.
Në të gjithë gjatësine prej 70 km sinjalistika për ndriçimin natën në autostradën Levan-Tepelenë është dëmtuar. Errësirë dhe asnjë polic në rrugë.
Një rrugë me frekuentim të lartë jo vetëm nga udhëtarët, por edhe banorët e zonës.
Nata në këtë autoastradë është kontrast i thellë për udhëtarët që vijnë nga rrugët plot dritë të vendeve fqinje. Aty ku edhe kur mungon ndriçimi elektrik, tabelat e panumërta fosforeshente shndërrohen në elementë ndriçues.
Qytetar: Nuk ka fare ndriçim
Miss Grant Albania 2018: Kur vij jashtë nga jashtë shtetit e kam këtë problem se vij në orët evona dhe rruga është pa ndriçim.
Autostrada Levan-Tepelenë u inagurua në vitin 2012. Që në ditët e para, mungesa e ndriçimit çoi në një aksident të rëndë ku u shua një familje emigrantësh. Bilanci i viktimave të kësaj rruge vazhdon të rritet e po ashtu edhe braktisja nga autoritetet.
Gazetare: Valbona Daci
Operator: Musa Çela
