Qeveria letoneze tha mbrëmë se një avion rus kishte shkelur hapësirën ajrore të saj në fillim të kësaj jave. Avioni fluturoi mbi territorin e shtetit baltik, një anëtar i BE- së dhe NATO-s , dje të hënën, 6 nëntor, sipas Ministrisë së Mbrojtjes së Letonisë.
Pasi ka kaluar ilegalisht kufirin, ai është kthyer në hapësirën ajrore ruse, sipas të njëjtit burim. Ministria e Punëve të Jashtme në Riga njoftoi se thirri të ngarkuarin me punë të ambasadës së Federatës Ruse.
Pas shkeljes, “po merren masat e nevojshme për të parandaluar çdo kërcënim për sigurinë e Letonisë”, sipas një deklarate diplomatike letoneze.
/abcnews.al
