Superliga Europiane, e cila shpalli krijimin e saj ditën e sotme ka ngjallur kundërshtimin e shumicës dërrmuese të tifozëve në të gjithë Europën dhe ka hasur në reagime të ashpra.
Ndërkohë, Prishtina, klubi kryeqytetas në Kosovë, përfiton nga situata dhe mundohet të kthejë vështrimin e tifozëve dardanë në futbollin vendas. Në faqen në Facebook të klubit, bardheblutë u bëjnë thirrje tifozëve të kthehen të mbështesin klubin e tyre të qytetit.
POSTIMI I PRISHTINËS – Të dashur tifozë të Milan, Inter, Juventus, Barcelona, Real Madrid, Liverpool, Manchester United, Manchester City, Arsenal.., të qytetit të Prishtinës dhe mbarë Kosovës, ju ftojmë t’i riktheheni sërish klubit të parë të zemrës suaj, Prishtina! Ju mirëpresim! /abcnews.al
