Leon Dajaku nuk ka mundur të luajë dot me Union Berlin, që e bleu sulmuesin anësor për 1 milion euro nga Bayern Munich.
Shqiptari është transferuar ditën e sotme në Angli, ku do të jetë pjesë e Sunderland në League One.
Dajaku kalon te anglezët në huazim për një vit. Te Sunderland, ku më parë ka luajtur edhe Lorik Cana, sulmuesi do të mbajë numrin 7.
“Gjithmonë e kam parë futbollin anglez dhe kam dashur të vij këtu. Kur më thanë që mund të ndodhte, ndjeva se ishte hapi i duhur. Kam parë disa nga ndeshjes dhe është çmenduri sa tifozë vijnë këtu.
Të kesh tifozët që të mbështesin është ajo që më pëlqen. Ndihem mirë që kam nënshkruar për Sunderland dhe jam krenar që kam ardhur këtu”, tha Dajaku. / abcnews.al
