Sipas gazetarit Fabrizio Romano, Lionel Messi do të diskutojë një kontratë të re me PSG. Kjo e dhënë është në kontrast të fortë me deklaratën e Gerard Romeros se argjentinasi dëshiron të largohet nga klubi parizian.
Romano shton gjithashtu se përfaqësuesit e Leos duhet të takohen së shpejti me zyrtarët e PSG-së për të diskutuar kohëzgjatjen e kontratës së re dhe më pas ta nënshkruajnë atë.
Raportohet se Messi tashmë ka një kontratë verbale me klubin. Marrëveshja u arrit në dhjetor pas fitimit të Kupës së Botës.
Leo Messi ka edhe gjashtë muaj të mbetur në kontratën e tij aktuale, por ai dëshiron të vazhdojë në Ligue 1. /G.D abcnews.al/
