Pas ndarjes nga Camila Morrone, Leonardo DiCaprio është përfolur për një romancë të mundshme me modelen ukrainase Maria Beregova. Spekulimet nisën pasi Maria dhe aktori u panë duke festuar së bashku në korrik. Megjithatë, së fundmi po përflitet se aktori po del me një tjetër modele.
Bëhet fjalë për supermodelen Gigi Hadid, ish partneren e Zayn Malik. Burime të shumta kanë konfirmuar se DiCaprio është takuar disa herë gjatë verës me supermodelen. “Leo dhe Gigi janë lidhur disa herë këtë verë”, ka thënë një burim i brendshëm për mediat e huaja.
“Ata njihen prej disa vitesh. Ata janë super të tërhequr pas njëri-tjetrit. Ajo është pikërisht tipi i tij: e mrekullueshme, seksi, por me një qëndrim të veçantë.”, tha burimi. Këto thashetheme vijnë pak ditë pasi bëri bujë lajmi se ylli i “Don’t Look Up” dhe Camila Morrone janë ndarë pas afro pesë vitesh.
Kur bëhet fjalë për Gigi-n, ajo ka shumë më tepër prioritete sesa thjesht të ketë një të dashur. Ajo është nëna e një vajze gati 2-vjeçare, të cilën e ndan me Zayn Malik. Dyshja u lidhën nga nëntori 2015 deri në janar 2019. Ata rindezën romancën e tyre në nëntor 2020 dhe Gigi mbeti shtatzënë disa muaj më vonë.
Supermodelja dhe këngëtari 29-vjeçar i “Pillowtalk”, u ndanë sërish në tetor të 2021-shit, pasi ai pati një debat të ashpër me nënën e saj, Yolanda Hadid. Sa i përket Leos, ai ka pasur lidhje me disa modele, duke përfshirë Bar Refaeli, Nina Agdal dhe Gisele Bündchen dhe së fundmi Camila Morrone.
Megjithatë, aktori njihet për romancat me vajza të reja në moshë. Dhe ndarja me Camila Morrone erdhi në një kohë kur ajo sapo kishte bërë 25 vjeç. Nëse lajmi se Gigi dhe Leo po dalin bashkë rezulton i vërtetë, do të ishte e para jashtë “klubit të 25-vjeçareve” me të cilat ka dalë aktori. /abcnews.al
