Aktori i njohur i humorit, Zef Deda feston sot 70-vjetorin e tij.
Ka qenë djali i tij, Jul Deda, i cili e ka uruar publikisht duke postuar disa foto të gjithë familjes dhe e ka shoqëruar me fjalët më të ndjera.
“Gëzuar 70-vjetorin bab. Mjeshtri i familjes, krenaria jonë, shembulli për t’i ndjekur në çdo aspekt, artisti 100% natyral dhe pa hile, energjia pozitive dhe dashamirësia për njerëzit, janë elementët që të rrinë përshtat. Kështu qofsh gjithmonë. U bëfsh 100 vjeç. Gëzofsh shëndet të plotë bashkë me ne, familjen tënde, të cilën ti e ke të shenjtë. Të du fort babush”, ka shkruar Juli krah postimit të fundit në rrjetet sociale.
Ndërkohë komentet kanë qenë të shumta, ku ndjekësit nuk kanë nguruar t’i urojnë ditëlindjen legjendës së humorit, i cili ka dhuruar gjithmonë shumë të qeshura tek publiku.
https://www.instagram.com/p/CDI1834F_XJ/
