Shefi i Grupit Parlamentar të LDK-së, Avdullah Hoti, konfirmoi se partia e tij nuk do të marrë pjesë në seancë të rregullt të Kuvendit, pa u mbajtur ajo e jashtëzakonshmja kundër temës së kufijve në Bruksel. Hoti ka ftuar edhe deputetët e tjerë t’i bashkohen LDK-së.
Ai theksoi se vetëm pas mbajtjes së seancës së jashtëzakonshme, mund të kthehen seancave të rregullta në Kuvend.
Ndërkohë në sallën e parlamentit po vazhdojnë debatet me përfaqësues të opozitës që kërkojnë seancë të jashtëzakonshme pasi, sipas tyre, mazhoranca nuk po arrin të mbledhe as 40 firma që i duhen për mbajtjen e seancës ku do të miratohej ekipi negociator për bisedimet me Beogradin.
