LDK
eri Ida22:10 | 24/03/2020
Shefi i Grupit Parlamentar të Lëvizjes Vetëvendosje, Rexhep Selimi ka regeguar në lidhje me konfliktet që kanë lindur mes koalicionit të Vetëvendosjes dhe Lidhjes Demokraitke të Kosovës.
Në reagimin e tij Selimi ka thënë se kjo parti do të marrë pjesë në seancën ku do të votohet mocioni i mosbesimit ndaj qeverisë. Ndër të tjera ai është shprehur se kjo parti nuk mund të kontestojë anën ligjore të mocionit, por kanë pasur rezerva për ambientin higjienik të vendit ku do të mbahej seanca.
Shefi i Grupit Parlamentar të Vetëvendosjes ka deklaruar në mediat kosovare se pas deklaratës së Agim Veliut nuk ka pasur më hapësira që ky i fundit të jetë ministër i Albin Kurtit.
“Nëse koalicioni ka qenë i varur nga Agim Veliu s’ka pasur pse të ekzistojë”.
Gjithashtu ai është shprehur se LDK e para e shkeli marrëveshjen e koalicionit me LVV-në kur bëri presion për taksën.
“LDK kërkoi ta heqim tarifën, duke hequr dorë nga pjesa tjetër që është shumë më e rëndësishme, e ai ishte reciprociteti. Këtu filloi krisja”./abcnews.al
in a18:38 | 19/03/2020
Lidhja Demokratike e Kosovës ka paralajmëruar ngritjen e mocionit të mosbesimit ndaj Qeverisë të udhëhequr nga Albin Kurti.
Mësohet se LDK sot ka filluar konsultimin edhe me partitë e tjera për mbështetjen këtij mocioni për rrëzimin e qeverisë.
Lidhjes Demokratike i ka dhënë mbështetje Aleanca për Ardhmërinë e Kosovës, Aleanca Kosova e Re dhe Nisma për Kosovën.
Gjithashtu mësohet se nënkryetarja e LDK-së, Vjosa Osmani nuk e ka nënshkruar mocionin, ndërsa dy deputetë të tjerë të LDK nuk kanë shkuar fare në mbledhje.
“Kuvendi duhet të krijojë mundësinë e formimit të një qeverie stabile, me kohëzgjatje të kufizuar, e cila do të adresonte sfidat imediate me të cilat po ballafaqohet vendi, si në pozicionin e politikës së jashtme, ashtu edhe në dinamikat e krijuara brenda vendit”, shkruhet në dokument.
R D23:23 | 27/02/2020
Vendimi i qeverisë së Kosovës për heqjen e tarifës ndaj produkteve serbe ka shkaktuar krisjen e parë të koalicionit Vetëvendosje-LDK.
Zv, kryeministri i parë i Kosovës nga radhët e Lidhjes Demokratike të Kosovës, Avdullah Hoti paralajmëroi tërheqjen nga qeveria nëse tarifa, nuk hiqet pa kushte. “A mund të qeverisësh suksesshëm një qeveri e cila nuk e ka mbështetjen e SHBA’ve? Në një qeveri të tillë LDK nuk rrin. LDK nuk rri në qeveri nëse nuk hiqet taksa pa kushte. Një qeveri e cila e izolon veten, nuk mund të çojë përpara agjendën e Kosovës. Unë kam qenë në dakordim për t’i diskutuar kushtet. Nuk është qëndrim i dakorduar nga ne vendimi i Kurtit lidhur me taksën”, u shpreh ai.
Me reagim të ashpër, ky vendim u prit edhe nga ish-kryeministri i Kosovës Ramush Haradinaj. Ai e quajti pasardhësin e tij në qeveri, mashtrues.
“Sonte Albin Mashtruesi u dorëzua para Serbisë. Ky është fillimi i kthimit të Serbisë dhe Rusisë në Kosovë. Albin Mashtruesi nga sot je përgjegjës për ripushtimin ekonomik të Kosovës nga Serbia”.
Ndërkaq, kreu i PDK Kadri Veseli shkruan në Facebook se Kosova është e rrezikuar nga Albin Kurti.
“Si opozitar, Albini ishte në gjendje ta digjte Kosovën dhe të përdorte dhunë dhe jetë të rinjsh idealistë për të ardhur në pushtet. Ndërsa sot, kur udhëheq Qeverinë, ideali i tij po shihet se është vetëm mbajtja e pushtetit. E mendonte veten si më të mençurin dhe më të fortin; Po del që është edhe i padijshëm, edhe i dobët, edhe mashtrues, dhe që Kosova në krye me të mund të rrezikohet seriozisht”.
Tarifa 100 për qind ndaj produkteve serbe u vendos në kohën kur Haradinaj ishte kryeministër, ç’ka u pasua edhe me ngecjen e dialogut Prishtinë-Beograd. /abcnews.al
So Nila15:51 | 02/02/2020
Arritja e marrëveshjes së bashkëqeverisjes me LDK-së dhe Vetëvendosjes është një lajm që ka entuziazmuar jo vetëm politikën por edhe personazhe të showbiz-it.
Këngëtarja Vesa Luma duket se ëhstë një i entuziazmuar nga marrëveshja e koalicionit e arritur mëngjesit të sotëm liderët e partive të Lëvizjes Vetëvendosje dhe Lëvizjes Demokratike të Kosovës konfirmuan arritjen e marrëveshjes për një koalicion qeverisës.
Luma entuziazmin e saj e shpreh përmes një postimi në rrjetin social Instagram./abcnews.al
So Nila15:18 | 02/02/2020
Pas arritjes së marrëveshjes për bashkëqeverisjen me Vetëvendosjen, Kryetari i Lidhjes Demokratike të Kosovës, Isa Mustafa ka mbledhur këshillin e Përgjithshëm të LDK-së.
Mustafa në fjalën e tij para anëtarëve të këshillit është shprehur se marrëveshja e arritur për bashkëqeverisje me Lëvizjen Vetëvendosje është bërë në harmoni të plotë me parimet e vendosura më herët për balancim të pushtetit.
Gjithashtu lideri i LDK-së ka arsyetuar edhe rritjen e ministrive duke thënë se mandati i kryeparlamentarit do t’iu takojë me mandat të plotë, kurse posti i presidentit do të diskutohet më vonë me liderin e LVV-së, Albin Kurti.
“Dymbëdhjetë ministri i kanë partnerët kryesor LVV dhe LDK nga gjashtë dhe nga një zëvendëskryeministër dhe tre ministrit e tjera shkojmë për komunitetet dhe ndarja e tyre mbahet në bazë të marrëveshjes së kandidatit për kryeministër me përfaqësuesit e komuniteteve. Nëse shtrohet pyetja se pse është bërë shtimi i numrit të ministrive, unë them se është bërë me propozimin e Kurtit. Ne e kemi vlerësuar në qëndrueshmëri për të mos humbur shumë kohë pas themelimit të Qeverisë që të merremi me organizimin e ministrive se kemi trashëguar 21 ministri edhe janë kthyer në 15. Bashkërisht kemi vlerësuar se do të ishte më problematike dhe do të paguanim më shumë në qoftë se i kemi 12 ministri në emër të kursimeve se sa që i kemi 15 ministri dhe të funksionojnë menjëherë”, tha ai
Ndërkohë Muastafa ndër të tjera ka theksuar faktin se tashmë posti i kryeparlamentarit do t’i takojë LDK-së në mandat të plotë katër vjeçar. Në fund Këshilli i Përgjithshëm i LDK-së ka votuar pa asnjë votë kundër marrëveshjen VV-LDK./abcnews.al
So Nila11:47 | 02/02/2020
Pas arritjes së marrëveshjes me LDK-në, lideri i Lëvizjes Vetëvendosje, Albin Kurti, ka reaguar sërish duke folur tashmë për procesin negociues me partinë që do të bashkëqeverisë.
Përmes një postimi në rrjetin social Kurti shkruan se me LDK-në moti janë marrë vesh se do të qeverisnin bashkë.
“Në negociatat me LDK-në, njëri-tjetrit, i kemi ofruar kërkesa e i kemi kërkuar oferta, jemi qarë e kemi qeshur, përherë të kujdesshëm që ndërmjet nesh të ndodhet një tavolinë.
Jemi vonë, gjithsesi. Nuk është tepër vonë, pa dyshim.
Moti jemi marrë vesh, tash kemi edhe marrëveshje. Do të qeverisim bashkë.
Ju falemnderit për mbështetjen dhe durimin. Urime të gjithëve!”, shkruan Kurti në Facebook.
Lëvizja Vetëvendosje dhe Lidhja Demokratike e Kosovës kanë nënshkruar marrëveshjen për koalicionin e ardhshëm qeverisës në Kosovë. Dy liderët, Kurti dhe Mustafa, në një konferencë të përbashkët për media njoftuan për arritjen e marrëveshjes dhe ndarjen e përgjegjësive në kuadër të qeverisë së re./abcnews.al
in a10:05 | 02/02/2020
Lëvizja Vetëvendosje dhe Lidhja Demokratike e Kosovës zyrtarisht kanë konfirmuar se janë pajtuar për bashkëqeverisje në mandatin 4 vjetët e ardhshme.
Krerët e të dyja partive Albin Kurti e Isa Mustafa në një konferencë të përbashkët për mediat thanë se kjo marrëveshje është në dobi të Kosovës.
“U takuam dhe u dakorduam që të takohemi edhe nesër që ta zgjedhim qeverinë e re. Ne tashmë e kemi nënshkruar marrëveshjen e jemi marrë vesh për të gjitha, edhe për ndarjen e përgjegjësive në kuadër të qeverise së re”, deklaroi Kurti.
Ndërsa Mustafa u shpreh se marrëveshja është në dobi të Kosovës.
“Besojmë se është një marrëveshje e mirë. Në interest ë ndryshimeve që duhet të ndodhin në vendin tonë. Kemi ardhur bashkarisht në një zgjidhje të cilën e vlerësojmë se është zgjidhja e duhur për Republikën e Kosovës”, tha më tej Mustafa.
Sa i përket postit të kryeparlamentarit, Kurti tha se Glauk Konjufca nuk do të jap dorëheqje por do të vijë në ekzekutiv. Ndërsa, nesër VV do të propozojë një emër të LDK-së për kryetar të Kuvendit.
Kurse, Mustafa tha se janë pajtuar që posti i presidentit mos të jetë pjesë e kësaj marrëveshje.
Qeveria Kurti do t’i ketë 15 ministri dhe 33 zëvendësministra.
“Deputetët e Kuvendit të Kosovës pritet të votojnë të hënën qeverinë e re Kurti, dy ditë pa u bërë 4 muaj nga zgjedhjet e parakoshme në Kosovë pas dorëheqjes së Ramush Haradinajt nga posti i kryeministrit në korrik të 2019-ës”, deklaroi Kurti.
Tashmë deputetët e Kuvendit të Kosovës pritet të votojnë qeverinë e re Kurti të hënën me 3 shkurt./abcnews.al
nev ila16:00 | 01/02/2020
Janë duke vazhduar përpjekjet e Lidhjes Demokratike të Kosovës dhe Lëvizjes Vetëvendosje për të arritur një marrëveshje për bashkëqeverisje para seancës së 3 shkurtit.
Këto dy parti janë në kontakt të vazhdueshëm por ende nuk ka rezultate konkrete.
Kreu i LDK-së Isa Mustafa në kuadër të këtyre përpjekjeve ka mbledhur sërish kryesinë. Nënkryetari i partisë Lutfi Haziri ka lënë të nënkuptohet se ngecjet në bisedime vazhdojnë të jenë të posti i kryeparlamentarit.
Ai nuk konfirmoi se kur do të takohen këto dy parti për arritjen e marrëveshjes finale duke thënë se do të bëjnë përpjekje maksimale deri më datë tre shkurt në orën 10.00 një orë para seancës ku pritet të votohet qeveria Kurti.
Optimiste për një marrëveshje është shprehur të jetë edhe nënëkryetarja tjetër e partisë Vjosa Osmani.
LVV e LDK po mundohen të gjejnë një formulë të përbashkët për arritjen e marrëveshjes por LDK po instiston që për 1 vit të ketë postin e kryeparlamentarit kur edhe pritet të votohet presidenti i shtetit, derisa kanë hasur në rezistëncë të LVV-së.
Seanca për votimin e qeverisë Kurti pritet të mbahet më datë 3 shkurt në orën 11.00./abcnews.al
ger ta13:45 | 01/02/2020
Në Lëvizjen Vetëvendosje dhe në Lidhjen Demokratike ka optimizem rreth mundësisë së arritjes së një marrëveshjeje koalicioni më së largu deri të hënën, date kur është caktuar seanca plenare për votimin e kabinetit qeveritar, të cilin do ta paraqesë para deputetëve Albin Kurti, i nominuar për kryeministër.
Kryeparlamentari Glauk Konjufca, i cili është një nga eksponentet kryesorë në LVV, ka shprehur besimin se dy subjektet që prej muajsh kanë negociuar për marrëveshjen do t’i tejkalojnë dallimet gjatë fundjavës.
Kryetari i LDK-së, Isa Mustafa, zhvilloi një takim me njerëzit më me ndikim në parti, në funksion të finalizimit të shterjes së mundësive për marrëveshje me LVV-në.
Lutfi Haziri, nënkryetar i LDK-së, ka paralajmëruar se në ditët e mbetura subjektet do të bëjnë përpjekje në shkrirjen e dallimit të vetëm që ka mbetur mes tyre. Ai ka treguar se liderët e të dyja partive, Albin Kurti e Isa Mustafa, do të takohen gjatë fundjaves, me synimin për ta tejkaluar pengesën e vetme, që ndodhet në negociatat mes tyre.
Seanca plenare e Kuvendit të Republikës së Kosovës, ku do të votohet për qeverinë e re, është vendosur të mbahet të hënën, në orën 11:00. E nëse të dy partitë politike nuk arrijnë marrëveshje dhe nëse në seancën e së hënës nuk formohet qeveria e re, Lëvizjes Vetëvendosje i mbeten edhe dhjetë ditë për ndonjë marrëveshje me subjektet politike. Ndërkohë , Albin Kurti nuk do të ketë të drejtë të jetë mandatar për kryeministër, pasi kjo pozitë sipas Kushtetutës, i takon dikujt tjetër në Vetevendosje.
Në zgjedhjet e parakohshme të 6 tetorit, Vetevendosje u rendit subjekt i parë për nga numri i votave, me një dallim jo shumë të madh me LDK-në, që është renditur e dyta. Edhe përpara zgjedhjeve, këto dy parti kanë zhvilluar negociata për koalicion parazgjedhor. Megjithëse nuk kishin arritur marrëveshje, gjatë fushatës parazgjedhore kishin premtuar se do të bashkëqeverisnin në mandatin që ndodhej përpara. Por, pavarësisht faktit që rezultati zgjedhor është certifikuar prej 3 muajsh, është konstituuar Kuvendi dhe kanë dakorduar edhe programin qeverisës, dy partite nuk kane arritur ne nje marrëveshje për ndarje pushteti./abcnews.al
ger ta07:35 | 01/02/2020
Lëvizja Vetëvendosje dhe Lidhja Demokratike e Kosovës janë më afër se kurrë arritjes së një marrëveshjeje për formimin e një koalicioni për bashkëqeverisjen e vendit.
Mediat në Kosovë raportojnë se gjatë së premtes “është arritur progres” në bisedimet mes partisë që doli e para në zgjedhjet e parakohshme parlamentare të 6 tetorit 2019, dhe asaj që zuri vendin e dytë.
Njerëz të afërt me ekipet negociuese nga të dy partitë më të mëdha politike në vend kanë treguar se ka “lëvizje pozitive”, dhe se marrëveshja mes dy partive pritet të arrihet sot, e shtunë.
Sakaq, më 3 shkurt, e hënë, është caktuar që të mbahet seanca e Kuvendit të Kosovës për votimin e qeverisë së re të vendit.
Kryesia e Kuvendit ka miratuar kërkesën për seancë, të bërë nga kryetari i Lëvizjes Vetëvendosje, Albin Kurti, i cili është mandatar për formimin e kabinetit të ri qeverisës.
Kurti mori më 20 janar mandatin nga presidenti i Kosovës, Hashim Thaçi, ndërsa kërkoi që Kuvendi të mblidhet një ditë para skadimit të afatit kushtetues prej 15 ditësh për formimin e qeverisë. Kërkesa e tij u bë teksa ende nuk është arritur marrëveshja e pritur me LDK*në për formimin e qeverisë. Dy partitë po negociojnë për të formuar koalicionin qeverisës që pas zgjedhjeve të 6 tetorit.
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
23:48 | 02/04/2020
23:30 | 02/04/2020
