Ezequiel Lavezzi, sërish në qendër të thashethemeve pikante në Argjentinë. Ish-sulmuesi i Napolit dhe PSG rrezikon të humbasë disa prona për shkak të betejës në gjyq me ish-partneren Yanina Screpante.
Ndërkohë, gazetarët argjentinas kanë zbardhur disa sekrete të papublikuara për marrëdhënien mes ish-futbollistit dhe të dashurës së re, modeles Natalia Borges. Mesa duket kjo e fundit ka qenë e fejuar me një nga miqtë më të mirë të Lavezzi, kur ra në dashuri me “Pocho”.
“Lavezzi dhe Natalia u takuan për herë të parë në Ibiza, gjatë një darke prej katër personash. Ajo ishte u fejuar me Lorenzo, një mik i ngushtë i ish-futbollistit”, – tha gazetari Guido Zaffora në programin televiziv “Es por hay”.
“Borges ra në dashuri dhe Lorenzo mbeti vetëm, i braktisur”, – shtoi ai, duke e krahasuar historinë me trekëndëshin e famshëm të dashurisë Mauro Icardi-Wanda Nara-Maxi Lopez.
Lavezzi e ka “ngrënë pas krahëve” shokun e tij të ngushtë, njësoj sikurse bëri dikur Icardi me Maxi Lopez, të cilit i rrëmbeu gruan (Wanda Nara), edhe pse ishin shokë për kokë.
