Presidenti i Barcelonës, Joan Laporta, i është përgjigjur një pyetjeje në lidhje me interesimin e tij për mesfushorin e Manchester City, Bernard Silva.
Sipas thashethemeve, portugezi ende mund të transferohet te Barcelona, pavarësisht vështirësive financiare të klubit katalanas.
Laporta nuk e mohoi interesimin e tij për 28-vjeçarin kur iu drejtua pyetja përkatëse: “A dua të nënshkruaj me Bernardo Silvën te Barcelona? Po, tani do të më pëlqente”, citon Soc Blaugrana fjalët e presidentit katalanas.
Tarifa e transferimit të Bernardo Silvës, sipas Transfermarkt, është 80 milionë euro. Kontrata e lojtarit me Manchester City është deri në vitin 2025. /G.D abcnews.al/
