Loading ...
Pas rreth gjashtë ditë luftë me flakët zjarri në landfillin e Elbasanit u shua dhe situata sipas kryetarit të bashkisë po i kthehet normalitetit dhe sa i përket menaxhimit të mbetjeve në qytet.
“Ka pasur mbingarkese gjatë këtyre ditëve se nuk futeshin dot as automjeteve e mbetjeve në impiant. Situata po stabilizohet po bëhet dhe transporti I mbetjeve”, tha Llatja.
Për të parë situatën në terren ishte ministri i Mbrojtjes Pirro Vengu dhe ai i Brendshëm Ervin Hoxha të cilët treguan dhe rezultatet e matjeve të ndotjes së ajrit.
“Gazrat e pranishëm kemi pasur kryesisht dioksid karboni me shume i dëmshëm është për personelin aty menjëherë morëm masa që te ishin të mirë pajisur. Na rezulton se ne zona urbane dhe përreth s’ka pasur shqetësim”, u shpreh Vengu.
Për të parandaluar situata të ngjashme dhe për të ndërhyrë sa më pare, në landfill do të merren një sërë masash
“Masa parandaluese disa nga emergjencat civile të kemi monitorim me kamera dhe të jemi në kushte te reagimit të menjërhershrem”, nënvizoi ministri Vengu.
Përballë temperaturave të larta zjarri sipas autoriteteve ka qenë i pashmangshëm.
