Me një kolazh vallesh e fotosh, rrethuar me kurora lulesh, siç i ka hije një mbretëreshe, u zhvilluan homazhet në nder të ikonës së asamblit Lili Cingu.
Nipi, i cili i qëndroi pranë deri në çastin e fundit, preferon ta mbajë mend si legjendë, e cila u martua me vallen shqipe.
Valltarët e asamblit e cilësojnë veten me fat që ndanë skenën dhe morën mësime prej saj.
Asambli i Kosovës dhe Maqedonisë së Veriut, me kostumet shumëngjyrëshe tradicionale, iu bashkuan valltarëve të Asamblit të Valleve Popullore në nder të Lili Cingut.
Perëndesha e valles i dha jetë 200 valleve të krahinave të ndryshme të Shqipërinë. Për bukurinë, elegancën, dhe hijeshinë e këtyre valleve, ajo mori të gjitha vlerësimet që ekzistojnë për një artist. Ëndrra e Lili Cingut mbetet për t’u përmbushur nga brezi i ri i asamblit.
Këto janë duartrokitjet e fundit që i jepen artistes, nderi të kombit, Lili Cingu, e cila jetoi për vallen shqipe.
