As rekrutimi i ikonës Frank Lampard nuk funksionoi si një “vaksinë” për Chelsean e këtij viti.
Blutë humbën minimalisht 1-0 në shtëpi ndaj Wolves, duke u zhytur edhe më tej në renditje, duke qenë në gjysmën e dytë të tabelës dhe me disa rivalë në një pozicion më të mirë për biletat europiane, dhe tashmë duhet të reagojnë në Europë, në Champions League.
Mirëpo, pengesa e skuadrës angleze do të jetë Real Madrid dhe tifozët e Chelsea janë pesimistë dhe të zymtë për këtë përballje. Lampard, megjithatë, beson ende te objektivi i kualifikimt dhe nuk hezitoi të nxisë tifozët e bluve që janë skeptikë të qëndrojnë në shtëpi për ndeshjen e ardhshme në Stamford Bridge kundër “Los Blancos”.
“Nëse ka tifozë që nuk besojnë tek ne, të mos vijnë. Kemi një mundësi kundër një ekipi fantastik dhe duhet të përpiqemi ta shfrytëzojmë. Të shkojmë në këtë ndeshje me besim dhe optimizëm”, përfundoi Lampard, trajneri provizor deri në fund të sezonit për Chelsea./ h.ll/abcnews.al
