Chelsea arriti një fitore shumë të rëndësishme në shtëpi ditën e djeshme, ku të besuarit e Frank Lampard triumfuan me rezultatin 3-1 kundër Leeds United. Trajneri Lampard u shpreh shumë i lumtur për fitoren si dhe është i mahnitur se çfarë efekti kanë 2.000 tifozët në shkallët e stadiumit.
“Leeds është një ekip i shkëlqyer. Ata janë mjaft unikë në stilin e tyre dhe janë stërvitur mirë. Ne e dinim që nuk do të ishte një ndeshje e lehtë, por jam shumë i kënaqur. Më vjen mirë dhe për Kourt Zouma që shënoi. Kohët e fundit ka fituar shumë vetëbesim dhe kjo është diçka e mirë”, deklaron anglezi.
“Rikthimi i tifozëve? Është mahnitëse ajo që 2.000 tifozë mund të bëjnë. Më vjen mirë që ne morëm rezultatin që donim dhe i kënaqëm ato. I falenderoj për mbështetjen që na dhuruan. Ka qenë sfiduese pa ta dhe ne kemi nevojë për ta. Giroud? Është një lojtar i madh, një profesionist i vërtetë”, përfundon Lampard. /abcnews.al
