Po kalojnë një formë fantastike dhe këtë e tregon arritja e katër fitoreve radhazi, dy prej të cilave në kampionat.
“Los Colchoneros” e Atletico Madrid janë treguar edhe një herë tepër të saktë në sfidat e tyre, duke mundur këtë herë skuadrën e Mallorca me rezultatin minimal, 1-0, në përballjen e vlefshme për javën e 13-të të kampionatit spanjoll të futbollit, LaLiga.
Goli i vetëm për djemtë e teknikut Diego Simeone erdhi në fraksionin e dytë të lojës me “bomberin” argjentinas, Julian Alvarez, i cili siguroi fitoren e madhe të “Bardhekuqve”, për të ngjitur skuadrën e tij në vendin e 3-të të renditjes me 26 pikë, vetëm 1 më pak se “Galaktikët” e Real Madrid, ndërsa Mallorca mbeti në vendin e 8-të me 18 pikë.
Ndërkaq, në sfidën tjetër të kësaj të diele në kampionatit spanjoll, Real Betis e Celta Vigo u ndalën në barazimin spektakolar 2-2. /i.m /abcnews.al
