Hungaria duhet të luajë dy sfidat e ardhshme kualifikuese të Kupës së Botës në shtëpi me dyer të mbyllura. Ky është dënimi i dhënë nga FIFA, për shkak të thirrjeve raciste të tifozëve hungarezë ndaj lojtarëve të Anglisë. Gjithashtu kundërshtarët e Shqipërisë, duhet ta paguajnë edhe një gjobë prej 200 mijë frangash zvicerane.
FIFA vendosi dënim sepse një pjesë e mbështetësve të Hungarisë ofenduan Sterling dhe Bellingham duke i quajtur majmunë gjatë fitores 4-0 të Anglisë në kualifikueset e Kupës së Botës më 2 shtator. Përveç thirrjeve, tifozët hodhën edhe sende në fushë, në sfidën që anglezët triumfuan 4-0 në Budapest.
Ky është një lajm i mirë për kombëtaren, pasi më 9 tetor do të luajë ndeshjen e kthimin në Budabest. Hungaria është një nga rivalët e Shqipërisë në grupin I dhe është kundërshtari direkt për vendin e dytë në grup së bashku me Poloninë.
Kuqezinjtë triumfuan 1-0 në ndeshjen e parë në “Elbasan Arena” ndaj Hungarezëve dhe tashmë kanë një të barabartë edhe në transfertë, pasi stadiumi do të jetë i boshatisur.
Në 6 sfidat e luajtura deri më tani, Anglia udhëheq grupin I me 16 pikë, 4 më shumë se Shqipëria e vendit të dytë. Renditja vijon me Poloninë në vendin e tretë me 11 pikë, ndjekur nga Hungaria me 10 pikë. /abcnews.al
