Rama në polici, reagon qeveria: Çfarë ndodhi brenda avionit në Gjermani

Qeveria ka reaguar lidhur me shkrimin e bërë sot nga “Der Spigel’’ ku theksohet se kryeministri Edi Rama u përfshi në një incident gjatë një fluturimi në dhjetor të vitit të kaluar.

Sipas medias gjermane Rama përfundoi i shoqëruar në polici për shkak se nuk pranoi të mbante maskën anti-covid, para nisjes së një fluturimi nga Frankfurti i Gjermanisë për në Shtete Bashkuara të Amerikës.

Lexo edhe: Media gjermane: Policia shoqëroi kryeministrin Rama, nuk vuri maskën në avion

Drejtori i Agjencisë për Median dhe Informimin Endri Fuga, thekson se ky është një incident i vjetër dhe nuk kishte të bënte me vendosjen e maskës por me sjelljen e pahijshme të njërit prej anëtareve të ekuipazhit.

Sipas Fugës ka pasur edhe një kërkim ndjese nga ana e kompanisë së fluturimit.

“Lajm i vjetër, për një incident qe ne thelb nuk kishte vendosjen e maskës, por sjelljen e pahijshme të njërit prej anëtareve të ekuipazhit. Ndjesa e kompanisë u pranua që atë ditë”, ka shkruar Fuga.

/abcnews.al/

Lajm i vjeter, per nje incident qe ne thelb nuk kishte vendosjen e maskes, por sjelljen e pahijshme te njerit prej anetareve te ekuipazhit. Ndjesa e kompanise u pranua qe ate dite. pic.twitter.com/lqNNMSXeOU

— Endri Fuga (@endrifuga) April 15, 2022