Fansat e “One Direction” kanë pritur pafund për një ribashkim të pesë anëtarëve të grupit. Duket se dëshira e tyre do të realizohet pasi përflitet se Zayn Malik, Harry Styles, Liam Payne, Niall Horan dhe Louis Tmlinson mund të ribashkohen në 2021.
Alex Apati i Ladbrokes foli për “Express” për një ribashkim të mundshëm teksa tha: “Shanset e ribashkimit të djemve po shkojnë vetëm në një drejtim. Është një lajm i shkëlqyer për fansat me një rikthim të pashmangshëm.”
Pak kohë më parë u përfol për një ribashkim në 10-vjetorin e krijimit të bandës. Një burim tha për “Page Six”: “Ka ende një rrugë të gjatë për të bërë dhe shumë pengesa. Padyshim, për momentin çdo gjë që ata do të bënin duhej të bëhej virtualisht.”
Zayn Malik ishte anëtari i parë që njoftoi largimin nga grupi në vitin 2015. Asokohe mediat britanike shkruanin se ndarja e bandës ishte e përkohshme dhe se mund të ribashkohen në një të ardhme. “One Direction” arritën një sukses të jashtëzakonshëm për pesë vite me radhë që nga bashkimi i tyre në X – Factor në Britani. /abcnews.al
