Victoria Beckham mund të bashkohet me “Spice Girls” për turneun e radhës. Të paktën ka lënë të kuptohet Mel B gjatë një interviste të dhënë së fundmi. 46-vjeçarja nënkuptoi se të gjitha vajzat më në fund ishin “në të njëjtën faqe së bashku” me planet e tyre aktuale.
“Unë jam gjithmonë për një ribashkim të Spice Girls dhe ishim në bisedime vitin e kaluar, por më pas Covid-i goditi duke shtyrë planet e të gjithëve… Mendoj se jemi në të njëjtën faqe së bashku – ata do të më vrasin për këtë që thashë – shpresojmë, veçanërisht unë, që të bëjmë një turne në 2023.“, tha ajo.
Ndërkohë, Melanie C tha për Entertainment Tonight se ata janë gati të performojnë sërish. “Ne duam të bëjmë shfaqje përsëri. Udhëtuam në Mbretërinë e Bashkuar në vitin 2019, atëherë dhe bota u çmend, kështu që duam të kthehemi atje. Amerika është në krye të listës sonë.”, tha ajo.
Vajzat – Mel, Victoria, Geri Horner, Melanie C dhe Emma Bunton zhvilluan një turne në Mbretërinë e Bashkuar dhe Irlandë në vitin 2019. E vetmja që nuk mori pjesë ishte Victoria Beckham, e cila refuzoi me argumentin se preferonte të fokusohej tek familja dhe biznesi i saj.
/abcnews.al
