Përfaqësuesi i BE-së për dialogun Beograd-Prishtinë, Miroslav Lajçak dhe sekretari i shtetit në Byronë e Çështjeve Europiane dhe Euroaziatike Matthew Palmer, do të vizitojnë ditën e sotme Kosovën.
Diplomati sllovak pritet të takojë presidenten Vjosa Osmani, kryeministrin Albin Kurti, zëvendëskryeministrin e parë për Integrim Evropian, Zhvillim dhe Dialog Besnik Bislimi, zëvendëskryeministren e dytë dhe ministren e Punëve të Jashtme dhe Diasporës Donika Gërvalla.
Lajçak gjithashtu do të takohet me komunitetin ndërkombëtar në Kosovë.
Ndërsa pritet që në orën 10:45 Lajçak dhe Palmer të zhvillojnë një komunikim për mediat.
/abcnews.al/
