Ish-kryeministri Sali Berisha e ka cilësuar draft-rezolutën e ditës së hënë të kreut të komanduar të PD, Enkelejd Alibeajt, si një fletushkë që e shndërron Bashën në plaçkë tregu.
Deklarata e Berishës erdhi menjëherë pas mbledhjes së grupit të Rithemelimit.
Gazetari i Abc Juxhin Mustafaraj, ka zbardhur detajet nga mbledhja e grupit të Rithemelimit, e cila erdhi pas vendimit të Lulzim Bashës ditën e hënë dike dhënë dorëheqjen,
“Sa i përket fletushkës që lexoi zoti Alibeaj mund të them vetëm se në atë fletushkë Lulzim Bashën e shndërronte në plaçkë tregu por kjo nuk është normale”, tha Berisha pas mbledhjes.
Ndër të tjera Berisha tha se ka një grup parlamentar të PD dhe jo dy, i cili sipas tij po punon për të normalizuar punën e tij.
“Disa qëndrime absurde të Lulzim Bashës nuk krijuan anomali në grupin parlamentar. Gjëja më imediate e deputetëve të PD është që të normalizojnë jetën e grupit parlamentar. Kam dijeni se po punohet me intensitet në këtë drejtim dhe kjo do të realizohet” , u shpreh Berisha.
Berisha tha se demokratët janë të vendosur të punojnë për bashkimin e PD.
“Jemi të vendosur të punojmë për bashkimin e PD me të gjithë ata të cilët besojnë se vota e lirë e anëtarëve të saj duhet të bashkojë demokratë”, tha Berisha.
Mbledhja e grupit të Rithemelimit ka nisur në orën 18:00 të ditës së martë dhe ka zgjatur rreth 1 orë.
/Abcnews.al/
