Pas rishpalljes nga Presidenca për Listën e kandidatëve që kanë aplikuar për Gjyqtar të Gjykatës Kushtetuese, edhe Kuvendi ka publikuar kandidatët për në “Kushtetuese”.
Sipas njoftimit nga ana e Kuvendit, janë renditur në listën propozuese: 1. Altin Binaj, 2. Ardita Buna Alsula, dhe 3. Ilir Haznedari.
Gjykata Kushtetuese nuk kryen ende funksionin e saj pas krijimit të vakancave dhe mbarimit para afatit ligjor të mandatit të gjyqtarit Fatos Lulo.
“Pas rishpalljes nga Kuvendi i Shqipërisë, në datën 24.9.2020, të hapjes së procedurave të aplikimit për vendin vakant për 1(një) anëtar të Gjykatës Kushtetuese, me qëllim plotësimin e “vakancës së parakohshme” të krijuar për shkak të mbarimit para afatit ligjor të mandatit të z.Fatos Lulo, kanë paraqitur kërkesën për shprehje interesi, si dhe dokumentacionin përkatës, kandidatët:
- Altin Binaj
- Ardita Buna Alsula
- Ilir Haznedari”, thuhet në njoftimin e Kuvendit.
Sakaq pas këtij publikimi ka reaguar edhe ambasadorja amerikane Yuri Kim.
Kim me anë të një postimi në rrjetet sociale ka përshëndetur publikimin e listave të kandidatëve për anëtarë në Gjykatën Kushtetuese, nga Presidenca dhe Kuvendi.
Kim shkruan se Këshilli i Lartë i Emërimeve ne Drejtesi duhet të veprojë shpejt pasi deri në fund të viti Gjykata Kushtetuese duhet të jetë konsoliduar.
Presidency & Parliament have now published their respective lists of candidates for the Constitutional Ct. We applaud those who answered the call to serve. We encourage Judicial Appointments Council to act quickly to evaluate the candidates. ?? must have CC by end of the year. https://t.co/f97CV4CdkY
— Ambassador Yuri Kim (@USAmbAlbania) October 19, 2020
n.d./abcnews.al
