“Kushtet thelbësore për progresin e Shqipërisë”, zbardhet takimi Ruçi-Kim

Kryetari i Kuvendit, Gramoz Ruçi, priti sot Ambasadoren e SHBA, Yuri Kim.

Gjatë takimit u diskutua mbi ecurinë e reformës në drejtësi, të reformës zgjedhore dhe për shpejtimin e plotësimit dhe bërjes funksionale sa më shpejt të Gjykatës Kushtetuese dhe Gjykatës së Lartë.

Kryetari i Kuvendit, vuri në dukje se Kuvendi është maksimalisht i angazhuar për suksesin e reformës në drejtësi,të reformës zgjedhore dhe realizimin e pritshmërie të qytetarëve shqiptarë, si kushte thelbësore për të nxitur e mbështetur progresin e Shqipërisë, konsolidimin e demokracisë dhe zhvillimin e vendit.