Është mbledhur pasditen e së martës Konferenca e Kryetarëve, mbledhje në të cilën do të vendoset edhe data për raundin e radhës të zgjedhjes së pasuesit të Ilir Metës. Mbledhja, që po zhvillohet me praninë e kamerave, ka nisur me debate mes kreut të Grupit Parlamentar të PD-së Enkelejd Alibeaj dhe zv/kryetares Ermonela Felaj.
Përplasjet kanë nisur pasi Alibeaj ka kërkuar që të anashkolen pika 1 dhe 2 e rendit të ditës dhe të kalohet direkt në pikën tre. Kreu i Grupit të PD ka këmbëngulur që të vijojë me pikën tre të rendit të ditës dhe kjo ka bërë që ngërçi të mos zgjidhet.
“Moj se ç’flas unë e di unë. Kush je ti që më përcakton se për çfarë flas?” I është drejtuar disa herë Alibeaj, Felajt.
Ajo për të cilën kërkoi të diskutohej Alibeaj është ngritja e një komisioni hetimor parlamentar për investimet strategjike. /abcnews.al/
