Kryeministri i Kosovës, Albin Kurti, ndodhet në Londër ku po merr pjesë në samitin e Bankës Evropiane për Rindërtim dhe Zhvillim (BERZh).
Përmes një postimi në Facebook, Kurti tha se ka takuar udhëheqësit e BERZH-it dhe të shteteve të Ballkanit Perëndimor.
Ndërkaq, thekson se do të synojë të zhvillojë takime të përbashkëta qeveritare me Malin e Zi dhe me Maqedoninë Veriore.
“Tashmë me Republikën e Shqipërisë kemi 77 marrëveshjeve të arritura, do t’i shtojmë energji e dinamikë të re implementimit të tyre. Si Qeveri e Kosovës do të bashkëpunojmë edhe me qeverinë e Malit të Zi dhe Maqedonisë së Veriut në projektet e interesit”, shkruan Kurti. /abcnews.al
