Chelsea pagoi 64 milion euro te Dortmund dhe Christian Pulisic u transferua në Londër në verën e vitit 2019. Kualiteti i sulmuesit të djathtë amerikan nuk vihet në dyshim, por ai ka humbur postin e titullarit prej momentit që në stol është ulur Thomas Tuchel.
Trajneri gjerman nuk i ka dhuruar 22-vjeçarit akoma një fanellë titullari dhe ky i fundit po mendon largimin nga “Blutë e Londrës”. Tuchel e pranoi pas fitores kundër Evertonin se është e padrejtë që nuk i ka dhënë akoma mundësi Pulisic të shfaqë potencialin e tij.
Pavarësisht “ndjesës” së trajnerit, lojtari amerikan ka vendosur të largohet nëse situata nuk ndryshon, një gjë e vështirë të ndodhë duke marrë parasysh që Chelsea po bën shumë mirë me formacionin aktual.
Daily Mail raporton se tre klube të njohura po monitorojnë me interes situatën dhe janë gati të përfitojnë. Bayern Munchen, Liverpool dhe Manchester United e pëlqejnë shumë Pulisic dhe po përgatisin ofertat e tyrë për Chelsea. /abcnews.al
