Lionel Messi bëri debutimin e tij me PSG mbrëmjen e djeshme në transfertën ndaj Reims të Valon Berishës e Arbër Zenelit. Ish-ylli i Barcelonës u fut në fushë në minutën e 66-të në vend të Neymar.
Trajneri Pochettino në atë moment vendosi të bëjë dy zëvendësime njëherazi dhe bashkë me Messin u aktivizua edhe Ander Herrera në vend të Wijnaldum.
View this post on Instagram
Mesfushori ishte pjesë e një momenti të paharrueshëm për botën e futbollit dhe ai e di mirë këtë. Leo Messi, pavarësisht se ishte në stadiumin e skuadrës kundërshtare, u duartrokit pamasë kur hyri në fushë.
Sigurisht hyrja në fushë u bë njëherazi me Herreran dhe ky i fundit “ka kujtuar” se ovacionet ishin për të. Me shaka në Instagram ai shkruan: “Kurrë nuk isha duartrokitur aq shumë në momentin e një zëvendësimi”. /abcnews.al
