Një 21-vjeçar në Angli është kapur duke kultivuar kanabis në një pronë në pallatin Westcott, Swindon. Raportohet se bëhet fjalë për Haxhi Kuqin, i cili është kapur nga policia më 1 nëntor.
Në këtë rrugë thuhet se janë vendosur një numër “fabrikosh droge”, të cilat janë bastisur nga policia, përfshirë këtu edhe një shtëpi e marrë me qira që ishte zbrazur për të krijuar kushtet e duhura.
Pasi doli para gjykatës të premten, shqiptari Kuqi, u shpall fajtor për prodhim të drogës së klasit B.
Avokati i tij mbrojtës, Tony Bignall tha se klienti i tij ndodhet në Britaninë e Madhe qëkur ka qenë 15 vjeç… I riu shqiptar, sipas avokatit, kishte marrë para borxh, dhe i gjendur në presion për ta shlyer, u detyrua që të kultivonte kanabis.
Sipas vendimit të gjykatësit, Haxhi Kuqi do të vijojë të qëndrojë në paraburgim deri më 10 dhjetor. s.b/abcnews.al/
