Kukësi ndodhet përballë një ndeshjeje tepër delikate, këtë javë në Superligë. Skuadra e trajnerit Gjoka mund të mos kualifikohet për në Evropë nëse mundet nga Partizani
Nga pretendimet për titull, tek rrezikimi i objektivit minimal. Kukësi i duhet të luftojë për Evropën pikërisht në fushën e skuadrës kampione, Partizanit, pra në mënyrën më të vështirë të mundshme.
Trajneri Ernest Gjoka e ka të qartë se nuk lejohet asnjë hap i gabuar, sepse dështimi do të ishte tepër i madh.
Gjoka:“Është ndeshje shumë e fortë, është ndeshje ndaj skuadrës që ka dalë kampion dhe ne e respektojmë shumë. Sigurisht nga ai moment që kishim sigurua vendin e dytë tashmë e kemi të hapur vendin e dytë dhe ky është një nga objektivat kryesorë të tonët për të siguruar vendin e dytë. Ne do të përgatitemi për të dhënë gjithçka dhe për të siguruar vendin e dytë, atë që ne e duam me patjetër”.
Vendi i dytë dhe Kupa janë objektivat e mbetur për t’u realizuar, ndërsa te Kukësi s’ka siguri për asnjë trajner, pra as për Gjokën.
Gjoka: “E ardhmja jonë sigurisht do të varet edhe nga besimi që do na japi Presidenti, por duhet me patjetër të arrihet objektivi. Duhet me patjetër që skuadra të riktheje një trofe. Të rikthejë një trofe për vetë investimet që ka bërë ky klub. Ne po mundohemi që të mbarojmë të gjitha detyrat de pastaj do jemi apo jo në vazhdim, ky do jetë një bashkëpunim me presidentin”.
Pak ditë më parë, bëri bujë largimi nga skuadra i zv.trajnerit Rrahman Hallaçi.
Gjoka: “Me atë që ne diskutuam me presidentin, ka qenë një bisedë midis presidentit dhe Hallaçit. Kjo sepse Hallaçi ka kërkuar që të merrte një ekip fëmijësh për të trajnuar dhe presidenti i ka rekomanduar një punë dy vjeçare me Kukësin B. I ka thënë merr Kukësin B dhe mundohu ta ngresh de ta bësh klub elitar, gjë që do të shërbejë edhe ty për të ardhmen”.
Finalen e Kupës, Kukësi e luan ndaj Tiranës, skuadër që mund ta ndihmojë për mbijetesë nëse ndalon Kastriotin javën që vjen.
Gjoka: “Më ven keq që Tirana është në këtë gjendje, pro nuk kam kohë ta mendoj këtë çështje, sepse kam problemin e skuadrës sime dhe dua me patjetër të mbaroj këto detyra që ne kemi marrë përsipër. Për Tiranën do të kemi edhe një javë kohë ta mendojmë“. /ABC News Albania 24/7
