Jack Wilshere dhe Cesc Fabregas, kanë qenë padiskutim dy mesfushorët më të mirë të Arsenalit dekadën e fundit. Spanjolli madje ishte dhe kapiten i “Topçinjve” para se të transferohej te Barcelona. Kualitetet e Fabregas, i dimë të gjithë, një lojtar me cilësi të shkëlqyera dhe shumë i dekoruar, duke fituar kudo ku ka luajtur. Edhe Jack Wilshere, mendon se Fabregas ka qenë ndoshta lojtari më i mirë në Premier League për disa sezone.
“Bisedoj shpesh me Cesc Fabregas, jemi shumë miq të mirë me njëri-tjetrin. Ai ka qenë inspirimi im, isha thjesht një fëmijë kur ai ishte lojtari më i mirë tek Arsenali, ndoshta në Premier League. Kam qenë shumë me fat që kam luajtur në krah të tij, edhe pse për një kohë të shkurtër.
LEXO EDHE: Gjest i madh i Fabregas, heq dorë nga e gjithë rroga e tij
Ai ishte një futbollist jo shumë i shpejtë, jo shumë i fortë fizikisht, por truri i tij ishte gjithçka. Ekipet kundërshtare detyroheshin ta markonin gjithmonë me një futbollist dhe kjo gjë tregon shumë. Mbaj mend një ndeshje kundër Bolton dhe Muamba, e ndoqi hap pas hapi gjatë gjithë 90 minutave. Një lojtar i shkëlqyer”, tha Jack Wilshere./abcnews.al
