Kur hipni dhe uleni në sediljen e pasagjerit të përparmë, është e mundur të relaksoheni në sedilje, të hiqni këpucët dhe t’i vendosni këmbët në kroskot. Kjo hapësirë shtesë për këmbët është pjesë e arsyes pse njerëzit po debatojnë për sediljen e përparme të makinës së tyre, apo jo? Por kjo është diçka që duhet ta rimendoni.
Askush nuk dëshiron të bëjë një aksident me makinë, për arsye të shumta dhe të dukshme.
Një shembull i mrekullueshëm i kësaj situate është Audra Tatum, një grua që i pëlqente të vinte këmbët e saj në kroskot, ndërsa burri i saj ishte duke vozitur. I shoqi i thoshte vazhdimisht se ajo nuk duhet ta kishte këtë pozicion për sigurinë e saj në rast aksidenti.
Tatum gjithmonë përgjigjej se do të kishte kohë të ulte këmbët nëse do të ndodhte një aksident. Fatkeqësisht, ajo duhej të vuante në mënyrë që të merrte mësimin.
Çfarë ndodhi me çiftin
Më 2 gusht 2015, çifti po shkonte në shtëpinë e prindërve të Tatumit, kur u përplasën nga një automjet tjetër. “ Airbagu nuk u hap dhe këmba ime u hodh në ajër, duke më thyer hundën ”, tha Tatum. “Në thelb e gjithë ana ime e djathtë është thyer dhe e gjithë kjo për shkak të injorancës sime. Unë nuk jam Superman. Nuk mund t’i ngrija këmbët në kohë .”
Përveç hundës, Tatum në përplasje ka thyer edhe kyçin e këmbës, femurin dhe krahun. Siç shpjegoi Departamenti i Zjarrfikësve të Chattanooga në një postim në Facebook, jastëkët e ajrit kanë një shpejtësi hapjeje midis 150 dhe 300 kilometra në orë.
Edhe pse kjo nuk ndodhi me Tatum-in , meqenëse airbag-i nuk u hap, ajo ende vuan nga lëndimet që pësoi edhe pas dy vitesh. Ajo nuk mund të punojë më në shërbimet e urgjencës mjekësore, pasi nuk mund të ngrejë më pacientë dhe nuk mund të qëndrojë më shumë se katër orë./abcnews.al
