Në një mesazh për Pashkët, kancelari gjerman Olaf Scholz foli për një “paqe të drejtë” dhe kërkoi mbështetje të mëtejshme për Kievin. Në një video mesazh të publikuar mbrëmjen e së premtes, ai tha:
“Paqe pa liri do të thotë shtypje, nuk ka paqe pa drejtësi. Kjo është arsyeja pse ne mbështesim Ukrainën në luftën e saj për një paqe të drejtë, për aq kohë sa është e nevojshme. Ne të gjithë duam një botë më paqësore dhe mbështetja për Ukrainën na shërben neve, sigurisë sonë.
Për shumë dekada, paqja në Evropë ka qenë e bazuar në një parim themelor: kufijtë nuk mund të zhvendosen më me forcë. Rusia e Vladimir Putin e ka thyer këtë parim por ne kemi detyrën ta bëjmë atë të vlefshme përsëri: duke vazhduar të mbështesim Ukrainën me vendosmëri dhe maturi, mbi të gjitha sepse ne jemi të bashkuar nga besimi se ligji duhet të mbizotërojë mbi dhunën”, u shpreh Scholz./abcnews.al
