Loading ...
Avokati Idajet Beqiri thotë se protesta në bulevard u kap nga agjenturat e huaja dhe Sali Berisha.
Në një intervistë për “Ora e Fundit” në ABC News, Beqiri u shpreh se Berisha ka bërë propagandë armiqësore kundër Shqipërisë.
Ndërsa ish anëtarja e PD, Alesia Balliu deklaroi se Berisha e ka kthyer partinë në pronë private.
Idajet Beqiri: Sa më shumë ditë kaluan nga fillimi i protestës, u kthjellua se kush e organizoi, çfarë qëllimesh kishin, kush futi hundët në të dhe kush po e drejton sot atë. Ajo ishte një protestë, që nuk ishte e natyrshme, erdhi si rrufe në qiell të pastër, nuk ishte organizim shqiptar, ishte organizim i huaj, i vendeve jo mike të Shqipërisë. Nuk donin që të vinte në Shqipëri një investim i madh. Ato nuk duan që Shqipëria të futet në BE. Sali Berisha me flakë, molotovë, mori inkursione në Greqi nga Mitsotakis, shkoi atje me Fredi Belerin duke lobuar që Shqipëria të mos futet në BE sepse nuk ka plotësuar kushtet. Ai ka bërë propagandë armiqësore kundër Shqipërisë. Kjo doli qartë gjatë kohës që filloi protesta. Një ndikim patoi Irani me xhihadistët që ka në Kosovë, RMV, por ka edhe në Shqipëri. U bë propagandë sikur Sazanin do e merrnin izraelitët.
Alesia Balliu: Sot zgjedhjet në Shqipëri po pengohen, sepse Berisha po pengon qytetarët shqiptarë të votojnë të lirë. Shqiptarët sot nuk kanë të drejtë të zgjiedhin, po mbahet një parti peng, një parti me dhunë. Të gjithë shqiptarët e dinë se Sali Berisha nuk bëhet më kryeministër. rrezikohet demokracia, rrezikohet vota. Në këtë situatë, shqiptarët dalin në protestë. Dalin për hallet e tyre, por edhe për të rrëzuar sistemin. Ramën do e përzënë shqiptarët me votë, por duhet kundërshtar real përballë tij./abcnews.al
