Mbretëresha Elizabeth vdiq më 8 shtator në orën 15:10 në Balmoral, me familjen mbretërore dhe shumë njerëz që vajtuan për humbjen e monarkes, e cila qendroi në fronin britanik për shtatë dekada.
Mbretëresha vdiq me djalin e saj të madh, Mbretin Charles III, dhe vajzën e saj, Princeshën Anne, pranë saj, dhe Anne ishte ajo që nënshkroi certifikatën e vdekjes së nënës së saj. Ndërsa, bashkëshortja e Charles, Camilla ishte në Balmoral kur monarkia ndërroi jetë.
Princi Ëilliam, Princi Andreë, Princi Edward dhe Sophie, kontesha e Wessex, po fluturonin për në Balmoral kur Mbretëresha Elizabeth vdiq, por nuk dihet nëse ata u informuan gjatë fluturimit apo pasi arritën në Balmoral. Kate Middleton, tani Princesha e Uellsit, nga ana tjetër, ishte me fëmijët e saj, George, Louis dhe Charlotte.
Ndërkohë, Princi Harry ishte rrugës për në Balmoral dhe thuhet se ka fluturuar nga Luton, me avionin e tij të vonuar me 16 minuta dhe ka shumë të ngjarë që mund të mos jetë nisur ende në fluturim, kur ka dëgjuar lajmin e keq për gjyshen e tij. Gruaja e tij, Meghan Markle, nuk ishte pranë tij dhe ndodhej në Frogmore Cottage.
Princesha Eugenie dhe nëna Sarah Ferguson ishin përkatësisht në Portugali dhe Itali kur u publikua lajmi, ndërsa vajza e Edward dhe Sophie, Lady Louise Windsor sapo kishte filluar shkollën në St Andreë’s kur mësoi për vdekjen e gjyshes së saj.
Mbretëresha Elizabeth vdiq nga pleqëria, sipas certifikatës së saj të vdekjes, ashtu si edhe bashkëshorti i saj, Princi Philip./abcnews.al
