Kthimi i Bashës favorizon Berishën

Lulzim Basha ka vendosur të qëndrojë totalisht në heshtje edhe pse do të duhet të ishte në fushatë, për të marr rimarë Partië Demokratike, e logos dhe vulës.

Asnjë mesazh për rikandidimin e tij, ku do të mund të jepte dhe premtime publike, se përse demokratët duhet ta votojnë dhe cfarë elektorati i djathtë duhet të pres prej tij.

Kandidoi me e-mail, që e nisi nga Londra, mungoi në Parlament të enjten, dhe asnjë mesazh të premten, kur nisi zyrtarisht fushata për të rimarrë kryesimin e PD-së.

Megjithatë, rikthimi i tij nuk premton shumë në jetën parlamentare.

Lulzim Basha e ka copëtuar edhe më shumë dhe e ka bërë edhe më të vogël grupin e tij në sallën e debatit, përballjes apo dhe ballafaqimit të alternativave politike, në Parlamet.

Lëvizjet e fundit të deputetëve, që erdhën si pasojë e rikthimit të tij, e kanë bërë shumë të vogël grupin e tij. Lulzim Basha ka vetëm 7 deputetë, edhe ata jo shumë të zëshëm në parlament.

Por kjo ndarje që krijoi Basha, në fakt, ka një përfundim; forcimin e Sali Berishës. Numri i deputetëve që ndjekin Berishën është më i lartë, 20 ligjvënës të cilët shkojnë në selinë blu dhe mbështesin atë. I gjithë grupi i tij, përfshirë dhe atë vet, është 21 deputetë.

Një grup tjetër është mbledhur rreth Gazment Bardhit, kryesori në kundërshtimin e procedurave të shpejta për rikthimin e Bashës. Si numër mandatesh, janë 17 të tillë, megjithë Bardhin. Këtu është pozicionuar dhe Jorida Tabaku, deri pak më shumë se një viti, ndër bashkëpunëtorët më të afërta të Bashës.

Përplasjet janë edhe më të thella se kaq. Janë një grup i katër deputetësh të cilët nuk e gjejnë veten tek asnjë prej 3 drejtuesve, sic duket. Ervin Salianji dhe 3 deputetët të tjerë të dalë nga listat e Lulzim Bashës në 2021, nuk ndjekin asnjë, të paktën në mbledhjet që ata zhvilliojnë për të kompaktuar qëndrimet e tyre kundrejt qeverisë.

Se sa do i prektin këto lëvizje deputetët në të ardhmen e tyre politike, ndoshta është ende herët për ta thënë dhe ndoshta deri atëherë do të rrjedhë dhe shumë ujë, që do i trazojnë dhe do i zhvendos demokratët.

GRUPI “BERISHA”