Partia Demokratike ka rimarrë avantazhin në Dibër. Ndërkohë që janë numëruar 191 nga 227 kuti në qarkun e Dibrës ka diferencë mes PD dhe PS.
Siç raporton gazetari Xhevahir Zhabina, ka përfunduar numërimi në KAZAZ-në e Burrelit. Aktualisht PD është 136 vota përpara në qarkun e Dibrës. Konkretisht PD ka 25253 vota dhe ndiqet nga PS me 25216.
Gjatë gjithë ditës Partia Socialiste ka qenë në avantazh në këtë qark. Ndërsa tani PD ka marrë një revansh të lehtë. Nga ana tjetër, LSI ka deri në këto momente 3712 vota.
Kujtojmë se në orët e para të nisjes së procesit të numërimit PD ishte në avantazh në Dibër, por më pas u kapërcye nga PS. /abcnews.al
